Дар Донишгоҳи давлатии омӯзгорӣ оид ба иҷрои нишондиҳандаҳои Паёми Президенти Тоҷикистон ҷамъомад баргузор шуд
ДУШАНБЕ, 29.03.2024 /АМИТ «Ховар»/. Дар партави Паёми Президенти Ҷумҳурии Тоҷикистон ба Маҷлиси Олӣ дар Донишгоҳи давлатии омӯзгории Тоҷикистон ба номи Садриддин Айнӣ вохӯрии прокурори Маркази ягонаи иттилоотӣ оид ба пешгирии терроризм, экстремизм ва киберҷиноятҳои Прокуратураи генералии Ҷумҳурии Тоҷикистон Зафар Тоҷибекзода бо кормандону омӯзгорон ва донишҷӯён баргузор гардид. Дар ин хусус ба АМИТ «Ховар» дар ин донишгоҳ хабар доданд.
Зафар Тоҷибекзода хусусияти иҷтимоӣ доштани Паёми Президенти Ҷумҳурии Тоҷикистонро ба Маҷлиси Олӣ баён дошта, оид ба пешгирии ҷавонон аз ҳамроҳ шудан ба ҳизбу ҳаракатҳои ифротӣ, ҳамчунин дар бораи ғамхориҳои Ҳукумати Ҷумҳурии Тоҷикистон нисбат ба таълиму тарбияи ҷавонон ибрози андеша намуд.
Гуфта шуд, ки ҳарчанд барои рушди ҷавонон дар ҷумҳурӣ тамоми шароит муҳайё аст, вале паст будани фарҳанги ҳуқуқии шаҳрвандон, бахусус ҷавонон ҳанӯз ҳам мушоҳида мешавад. Ин ҷиҳатро мо дар самти иштироки баъзе ҳаммиллатони мо дар содир намудани ҷиноятҳои дорои хусусияти террористӣ ва экстремистӣ мушоҳида менамоем.
Президенти Тоҷикистон дар Паём ба Маҷлиси Олӣ дар робита ба 30-солагии қабули Конститутсияи Тоҷикистони соҳибистиқлол бо мақсади баланд бардоштани сатҳи донишҳои ҳуқуқии мардум соли 2024-ро Соли маърифати ҳуқуқӣ элон намуданд. Ин иқдом ҳар шаҳрванди ҷумҳуриро вазифадор месозад, ки моҳияти Конститутсия ва қонунҳои амалкунандаи ҷумҳуриро аз худ намояд ва барои таҳкими сулҳу оромӣ, суботи сиёсӣ ва ваҳдати миллӣ дар ҷумҳурӣ саъю талош намояд.
«Надонистани қонун ва содир намудани ҷиноят шаҳрвандонро аз масъулият озод намекунад. Бинобар ин, хоҳ дар дохили ҷумҳурӣ ва хоҳ берун аз он ҷавонони моро зарур аст, ки ба ҳар кору рафтори худ баҳои ҳуқуқӣ дода тавонанд, фирефтаи ваъдаҳои бардурӯғи созмонҳои динию мазҳабӣ, террористӣ, эктремистӣ ва дигар ҳаракатҳои ҷиноятпеша нагарданд. Шаҳрвандони Тоҷикистон дар хориҷи мамлакат бояд барои баланд гардидани обрӯю эътибори мамлакат талош намоянд, на ин ки бо кирдори ҷоҳилона ва рафтори нодуруст ба шаъну эътибори худ ва миллати тоҷик иснод оваранд», — гуфт Зафар Тоҷибекзода.
АКС: Донишгоҳи давлатии омӯзгории Тоҷикистон ба номи Садриддин Айнӣ
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
