Дар Донишгоҳи техникии Тоҷикистон оид ба сарфаҷӯӣ ва самаранокии энергия конфронс доир гардид
ДУШАНБЕ, 14.03.2024 /АМИТ «Ховар»/. Дар Донишгоҳи техникии Тоҷикистон ба номи академик М.С.Осимӣ дар доираи намоиш таҳти унвони «Энергетика дар давраи гузариш –таъмини неру барои фардо» конфронс оид ба сарфаҷӯӣ ва самаранокии энергия баргузор гардид.
Тавре ба АМИТ «Ховар» дар Донишгоҳи техникии Тоҷикистон хабар доданд, дар конфронс намояндагони Вазорати саноат ва технологияҳои нави Ҷумҳурии Тоҷикистон, Кумитаи меъморӣ ва сохтмони назди Ҳукумати Ҷумҳурии Тоҷикистон, сафоратҳои Олмон, Фаронса, Британияи Кабир дар Тоҷикистон, Бонки ҷаҳонӣ, Ташкилоти минтақавии GERES, муассисаҳои таҳсилоти олии касбии ҷумҳурӣ ва устодону донишҷӯён иштирок намуданд.
Дар конфронс масъалаҳои татбиқи принсипҳои иқтисоди «сабз», амалисозии технологияи муосири инноватсионӣ, ба инобат гирифтани таъсири тағйирёбии иқлим дар раванди тарҳрезии лоиҳаҳо ва бунёди иншооти сохтмонӣ, кам кардани партовҳои газҳои гулхонаӣ, баланд бардоштани самаранокии энергия, ҷорӣ намудани технологияҳои сарфакунандаи энергия ва захираҳо дар соҳаи сохтмону саноат, ҳифзи муҳити зист, принсипҳои асосии бамеъёрдарории муҳофизати гармии биноҳо, ҷорӣ намудани стандартҳои муосири гарминигоҳдорӣ, рушди истифодаи энергияи барқароршаванда дар биноҳо, иншоот ва корхонаҳои истеҳсолӣ, омода намудани мутахассисон ва ғайра мавриди муҳокимаи маърузачиён қарор гирифтанд.
Ёдовар мешавем, ки аз 28 феврал дар Донишгоҳи техникии Тоҷикистон бо ташаббуси Сафорати Ҷумҳурии Федералии Олмон дар Тоҷикистон намоиши «Энергетика дар давраи гузариш –таъмини неру барои фардо» идома дорад. Дар намоиш барномаҳои коммуникатсионӣ-иттилоотӣ оид ба пешбурди самаранокии энергия дар миқёси ҷаҳон муаррифӣ шуда, намояндагони вазорату идораҳои дахлдори ҷумҳурӣ, ташкилоти ғайридавлатӣ, намояндагони корпусҳои дипломатӣ, шарикони рушду коршиносони дохиливу хориҷӣ ва устодону донишҷӯёни муассисаҳои таълимӣ ва таҳсилоти касбӣ онро тамошо доранд, ки он аллакай хусусияти ҷашни илмӣ – таҷрибавӣ гирифтааст.
Намоиши «Энергетика дар давраи гузариш–таъмини неру барои фардо» то 20 март идома меёбад.
АКС: Донишгоҳи техникии Тоҷикистон ба номи академик М.С.Осимӣ
«ПУЛИ ЗАБОНИ ЧИНӢ». Хонандаи тоҷик Ёқубҷон Ғуломов ғолиби озмун дониста шуд
Донишкадаи технология ва менеҷменти инноватсионӣ дар шаҳри Кӯлоб бо муассисаҳои олии касбии Узбекистон ҳамкориро тақвият медиҳад
Донишкадаи технология ва менеҷменти инноватсионӣ дар Кӯлоб бо якчанд муассисаи олии ҷаҳон созишномаи ҳамкорӣ ба имзо расонид
«ДУШАНБЕ–ШАҲРИ ҲУШМАНД». Дар пойтахт Ҳафтаи илм, технология, инноватсия ва ихтироъкории наврасону ҷавонон баргузор мешавад
Ҳамкории Донишгоҳи технологии Тоҷикистон бо Донишгоҳи нассоҷии Ухан тақвият меёбад
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара 15 бинои муассисаҳои таълимӣ бунёду навсозӣ мешавад
«Барномаи биллингӣ» шаффофияти пардохти маблағи иҷораи китобҳои дарсиро дар муассисаҳои таҳсилӣ таъмин менамояд
«МИРЗО ТУРСУНЗОДА-ЧЕҲРАИ МОНДАГОРИ АДАБУ ФАРҲАНГИ ТОҶИК». Дар Донишгоҳи миллии Тоҷикистон ҳамоиши байналмилалӣ доир шуд
«ВАСФИ ҶАВОНӢ». Дар доираи баргузории моҳвораи ҷавонон озмун эълон гардид
Ба Донишкадаи давлатии муносибатҳои байналмилалии Москва дохил шудан мехоҳед? Ба Маркази барномаҳои байналмилалӣ муроҷиат намоед
БИСТСОЛАИ ОМӮЗИШ ВА РУШДИ ИЛМҲОИ ТАБИАТШИНОСӢ, ДАҚИҚ ВА РИЁЗӢ. Дар Душанбе маротибаи аввал озмуни «Ахтаракони ҳисобдон» баргузор гардид
Намояндагони Институти Гёте бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуданд
