Дар Қирғизистон вазъи бемории сурхча муташанниҷ боқӣ мемонад
ДУШАНБЕ, 12.03.2024 /АМИТ «Ховар»/. Вазъи эпидемиологии Қирғизистон вобаста ба паҳншавии бемории сурхча муташанниҷ боқӣ мемонад. Тавре АМИТ «Ховар» бо истинод ба «Синхуа» иттилоъ медиҳад, дар ин хусус Маркази ҷумҳуриявии иммунопрофилактикаи Вазорати тандурустии Қирғизистон хабар додааст.
Гуфта шуд, ки то 5 март дар Қирғизистон 4855 ҳолати гирифторӣ ба бемории сурхча сабт шудааст.
Вирус дар Бишкек ва вилояти Чуй, инчунин дар вилоятҳои Ҷалолобод ва Ӯш босуръат паҳн мешавад.
Тибқи иттилои Маркази ҷумҳуриявӣ, дар робита ба хуруҷи бемории сурхча дар кишвар аз 4 март омӯзиши кормандони соҳаи тиб дар доираи омодагӣ ба марҳилаи дуюми маъракаи эмкунии иловагӣ бар зидди бемории сурхча ва сурхакон гузаронида мешавад.
«Мақсади асосии омӯзиш баланд бардоштани иқтидори кормандони соҳаи тиб барои густариш додани сатҳи огоҳии аҳолӣ мебошад. Омӯзиш ба кормандони соҳаи тиб барои робитаи дуруст бо аҳолӣ, бахусус бо волидони кӯдаконе, ки эм карда мешаванд, кумак менамояд», — омадааст дар иттилоия.
Тавре ки қаблан изҳор гардид, сабаби асосии афзоиши бемориҳо шумораи зиёди радкунии эмгузаронии нақшавӣ бар зидди сурхча ва сурхакон дар байни кӯдакон ва калонсолон ҳисобида мешавад.
АКС аз манбаъҳои боз
Имрӯз дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
