Дар Наврӯз тоҷикистониёнро чӣ гуна ҳаво интизор аст?
ДУШАНБЕ, 20.03.2024 /АМИТ «Ховар»/. Бино ба иттилои Агентии обуҳавошиносии мамлакат, дар ҷумҳурӣ 21-22 март дар ноҳияҳои тобеи ҷумҳурӣ, вилояти Хатлон ва ноҳияҳои ғарбии Вилояти Мухтори Кӯҳистони Бадахшон боронҳои бошиддат пешгӯӣ шуда, дар ноҳияҳои водию доманакӯҳии ҷумҳурӣ ҳарорати ҳаво то 7-9 дараҷа паст мешавад.
Дар ин рӯзҳо дар минтақаҳои доманакӯҳию кӯҳии ноҳияҳои тобеъи ҷумҳурӣ ва вилояти Хатлон сар задани зуҳуроти сел аз эҳтимол дур нест. То 23 март дар минтақаҳои доманакӯҳию кӯҳии ноҳияҳои тобеи ҷумҳурӣ, шоҳроҳи автомобилгарди Душанбе-Чанок ва ноҳияҳои ғарбии Вилояти Мухтори Кӯҳистони Бадахшон сар задани зуҳуроти тарма дар назар аст.
Дар вилояти Хатлон 20 ва 23 март ҳаво тағйирёбандаи бебориш шуда, 21 ва 22 март борон пешгӯӣ мешавад. 21 март ва шабонаи 22 март дар баъзе ноҳияҳо борони бошиддат меборад. Шамол аз самти шарқ бо гузариш ба ғарб бо суръати 4-9 ва дар баъзе ноҳияҳо бо шиддати то 13-18 метр дар як сония мевазад. Ҳарорати ҳаво дар водиҳо шабона 8+13 ва рӯзона 22+27 дараҷа гарм мешавад. 21-22 март ҳарорати ҳаво паст шуда, то ба 15+20 дараҷа мерасад.
Ҳаво дар вилояти Суғд тағйирёбанда шуда, шабонаи 20 март ва 23 март бебориш пешгӯӣ мешавад. 20, 21 ва 22 март рӯзона дар баъзе ноҳияҳои водигӣ борони кӯтоҳмуддат, дар ноҳияҳои кӯҳӣ борону барф пешгӯӣ мешавад. 21 март дар баъзе ноҳияҳо борони бошиддат борида, дар ноҳияҳои алоҳида туман мефарояд. Ҳарорати ҳаво дар водиҳо шабона 7+12 ва рӯзона 15+20 дараҷа гарм мешавад. 21-22 март ҳарорати ҳаво паст шуда, то 11+16 дараҷа мерасад.
Дар ноҳияҳои тобеи ҷумҳурӣ ҳавои тағйирёбанда шуда, шабонаи 20 ва 23 март бебориш пешгӯӣ шуда, рӯзонаи 20, 21 ва 22 март борони кӯтоҳмуддат дар назар аст. 21 март ва шабонаи 22 март дар баъзе ноҳияҳо борони бошиддат борида, дар ноҳияҳои адоҳида туман мефарояд. 20 март ҳарорати ҳаво дар водиҳо шабона 8+13 ва рӯзона 18+23 дараҷа шуда, 21-22 март ҳарорати ҳаво паст мешавад.
Дар Вилояти Мухтори Кӯҳистони Бадахшон 20 ва 23 март ҳавои тағйирёбандаи бебориш шуда, 21-22 март дар баъзе ноҳияҳо борону барф пешгӯӣ мешавад. 21 март дар ноҳияҳои алоҳида борони бошиддат меборад. Ҳарорати ҳаво дар ғарби вилоят шабона 0+5 ва рӯзона 10+15 дараҷа гарм мешавад.
АКС аз бойгонӣ
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
