Дар ноҳияи Ёвон ҷашни байналмилалии Наврӯз бо риояи тамоми рукнҳои миллӣ таҷлил гардид
ЁВОН, 25.03.2024. /АМИТ «Ховар»/. Дар деҳаи Бӯстони Ҷамоати деҳоти ба номи Гулсара Юсупова аз ҷониби маорифчиёни ноҳияи Ёвон ва ҷамоатҳои деҳоти ба номи Гулсара Юсупова, Обшорон ва Ситораи Сурх ҷашни Наврӯзи байналмилалӣ бо риояи тамоми рукнҳои миллӣ таҷлил гардид. Дар ин хусус масъулини Мақомоти иҷроияи ҳокимияти давлатии ноҳияи Ёвон ба хабарнигори минтақавии АМИТ «Ховар» Субҳониддини Маҳмуд иттилоъ доданд.
Сокинону меҳмонон бо намоишгоҳи наврӯзии омӯзгорон ва сокинони ҷамоатҳои деҳот шинос шуда, ба ҳунари кадбонугию ҳунармандии занону духтарон ва риояи расму оинҳои неки наврӯзӣ баҳои баланд доданд.
Иброз гардид, ки ҷашни байналмилалии Наврӯз маросими суннатии мардуми тоҷик ба ҳисоб рафта, бо сифатҳои башардӯстонааш аз ҷониби ҷомеаи ҷаҳонӣ ҳамчун дастоварди камназири фарҳанги умумиинсонӣ пазируфта шудааст. Ҷашни Наврӯз таҷассумгари некиву накӯкорӣ, хуррамиву хушҳолӣ, шодмониву нишот ва саодату пирӯзӣ буда, фарҳанги оламшумули мардуми тоҷикро тавассути ойинҳои худ машҳури олам гардонидааст. Дар қисмати дигари чорабинӣ аз ҷониби дастаи ҳаваскорони соҳаи маориф ва ҷамоатҳои деҳот барномаи рангини фарҳангӣ пешкаши ҳозирин гардонида шуд.
АКС: Мақомоти иҷроияи ҳокимияти давлатии ноҳияи Ёвон
Дар Арабистони Саудӣ Наврӯзи байналмилалиро таҷлил намуданд
Дар шаҳри Минск Ҷашни байналмилалии Наврӯзро таҷлил намуданд
Кормандони Кумитаи кор бо ҷавонон ва варзиши Тоҷикистон ҷашни байналмилалии Наврӯзро бо шаҳомати хосса таҷлил намуданд
Дар Женева ҷашни байналмилалии Наврӯз таҷлил шуд
«ПЕШВОИ МИЛЛАТ-ПЕШВОИ НАВРӮЗ». Таҳти ин унвон китоб ба нашр расид
Дар ноҳияи баландкӯҳи Мурғоб ҷашни Наврӯз истиқбол гирифта шуд
Тоҷикон Наврӯзро аз замонҳои қадим бо дилу нияти нек, яъне бо ботини тоза истиқбол мегирифтанд
Ҳамоиши наврӯзии «Корвони шодӣ» ба мардум шодиву нишоти беандоза бахшид
Дар Истаравшан ҷашни Наврӯз бо намоиши ҳунарҳои мардумӣ таҷлил гардид
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
Дар Кумитаи телевизион ва радио ҷашни байналмилалии Наврӯз бо риояи расму оинҳои хосса таҷлил гардид
Дар Суғд мусобиқаи пойга ва бузкашӣ баргузор шуд
