Дар шаҳри Бохтар Шурои ҳамоҳангсозии фаъолияти мақомоти ҳифзи ҳуқуқ доир гардид
ДУШАНБЕ, 30.03.2024 /АМИТ «Ховар»/. Дар Прокуратураи ҳарбии гарнизони Бохтар Шурои ҳамоҳангсозии фаъолияти мақомоти ҳифзи ҳуқуқ баргузор гардид, ки зимни он масъалаи даъвати тирамоҳии ҷавонон ба сафи Қувваҳои мусаллаҳи мамлакат дар соли 2023 натиҷагирӣ ва нақшаҳо барои даъвати баҳории соли 2024 мавриди таҳлилу баррасӣ қарор дода шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Бохтар хабар доданд.
Иброз гардид, ки натиҷаи санҷишҳо муайян намуд, ки шумораи ҷавононе, ки ихтиёран ба сафи Қувваҳои мусаллаҳи мамлакат мепайванданд, афзоиш ёфтааст, ки ин далели болоравии ҳисси меҳанпарастӣ ва ғурури давлатдории ҳар ҷавони бонангу номуси мамлакат мебошад. Ҳамзамон таъкид шуд, ки шароити хизмат дар қисмҳои низомӣ беҳтар гардида, ҷавобгӯ ба талаботи замони муосир мебошад.
Гуфта шуд, ки дар ҷузъу томҳои ҳарбии гарнизони Бохтар талаботи қонунҳо, оинномаҳои ҳарбию сарҳадӣ ва дигар санадҳои меъёрии ҳуқуқӣ риоя ва иҷро гардида, баҳри ташкили шароити хуби хизмати ҳарбӣ корҳои муайян ба анҷом расонида шуданд.
Аъзои Шурои ҳамоҳангсозии фаъолияти мақомоти ҳифзи ҳуқуқ вобаста ба корҳои анҷомёфта дар даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон ибрози назар намуда, ҳамчунин масъалаҳои таъмини хизматчиёни ҳарбӣ бо озуқа, амволи шайъӣ ва дигар намуди амволи махсус, таҷрибаи тафтишотӣ-судӣ оид ба ҷиноятҳои вайрон намудани қоидаҳои оинномавии муносибатҳои байниҳамдигарии хизматчиёни ҳарбӣ дар Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбиро мавриди муҳокима қарор доданд.
Дар идома ба раисони комиссияҳои даъватӣ ва комиссарони ҳарбии шаҳру ноҳияҳои минтақаи Бохтар дастур дода шуд, ки даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистонро бо масъулияти бузурги ватандорӣ ва сифатнок иҷро намоянд.
Гуфта шуд, ки вазъияти кунунии ҷомеаи ҷаҳонӣ, таҳдиду хатарҳои тероризму экстремизм, бархӯрди манфиатҳо ва ҳолатҳои ногувор бори дигар моро ҳушдор медиҳанд, ки ҷавононамон дар навбати аввал ҷисману руҳан бояд қавӣ бошанд, яъне аз мактаби матонату ҷасорат- хизмати ҳарбӣ сарбаландона гузаранд. Ҷавононе, ки хизмати ҳатмии ҳарбиро адо менамоянд, ҳеҷ гоҳ ба доми гурӯҳҳои тундрав намеафтанд.
Ҳамзамон ба аъзои Шуро ва кормандони прокуратураи ҳарбӣ дастур дода шуд, ки барои баланд бардоштани савияи дониш ва ватандӯстии сарбозону афсарон тадбирҳои зарурӣ андешанд.
АКС: Мақомоти иҷроияи ҳокимияти давлатии шаҳри Бохтар
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
Байни Прокуратураи генералии Тоҷикистон ва Прокуратураи генералии Суди Олии аппелятсионии Туркия Ёддошти тафоҳум оид ба ҳамкорӣ ба имзо расид
САВГАНДИ САДОҚАТ БА ВАТАН. Дар ҷузъу томҳои Артиши миллии Тоҷикистон маросими савгандёдкунии наваскарон оғоз шуд
Дар Хатлон нақшаи даъват ба хизмати Ватан бори аввал пеш аз муҳлат пурра иҷро гардид
ДАЪВАТИ БАҲОРӢ: Дар Хатлон ин чорабинии муҳими сиёсӣ дар марҳилаи анҷомёбӣ қарор дорад
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
