Дар Суғд доир ба дастовардҳои занон дар даврони соҳибистиқлолии Тоҷикистон конференсия баргузор шуд
СУҒД, 05.03.2024 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон дар вилояти Суғд ба ифтихори Рӯзи Модар дар мавзуи «Дастовардҳои занон дар даврони соҳибистиқлолии давлати Тоҷикистон» Конференсияи илмӣ-амалии вилоятӣ баргузор гардид.
Тавре ба АМИТ «Ховар» дар Хадамоти матбуоти Раиси вилояти Суғд хабар доданд, дар конференсия олимон, собиқадорони меҳнат ва фаъолон иштирок намуда, оид ба дастгириҳои Президенти Ҷумҳурии Тоҷикистон муҳтарам Эмомалӣ Раҳмон дар самти баланд бардоштани мақоми зан дар ҷомеа ва дастовардҳои занону духтарони тоҷик сухан намуданд.
Собиқадорони меҳнат ба занону духтарон иброз доштанд, ки бузургии Зан-Модар, пеш аз ҳама, дар он таҷассум меёбад, ки ӯ чароғи хонадон, идомадиҳандаи насл, тарбиякунанда ва бакамолрасонандаи фарзанд, инчунин нигоҳдорандаи забон, таърих ва фарҳанги миллӣ мебошад. Мо бояд имрӯз дар пешрафти ҷомеаю мамлакатамон саҳм гузорем.
Дар ҷамъомад намояндагон аз Институти илмҳои ҷомеашиносӣ ва Маркази солимии репродуктивии вилояти Суғд дар мавзуъҳои «Саҳми занон дар рушди илм» ва «Дастовардҳои занон дар соҳаи тандурустӣ» маъруза намуданд.
Иброз гардид, ки имрӯз баҳри саломатии модару кӯдак дар муассисаҳои нигаҳдории тандурустии вилояти Суғд тамоми шароити мусоид фароҳам оварда шудааст.
АКС: Хадамоти матбуоти Раиси вилояти Суғд
Дар Душанбе Озмуни ҷумҳуриявии «Оилаи беҳтарин» ҷамъбаст карда мешавад
ОГОҲӢ. Дар Тоҷикистон то 17 май ҳарорати ҳаво баланд мешавад
Оила — ҷоест, ки дар он ҳама аъзои хонавода эҳсоси оромиш, амният ва ишқ намоянд. Эҳдо ба Рӯзи байналмилалии оила
Дар Шанхай вохӯрии роҳбарони сохторҳои минтақавӣ оид ба ҳолатҳои фавқулодаи минтақаҳои наздимарзии давлатҳои аъзои СҲШ доир гардид
Даври ҷумҳуриявии Фестивал-озмуни «Беҳтарин армуғон» ҷамъбаст гардид
Нахустин маротиба дар Тоҷикистон амалиёти ҷарроҳӣ бе буриш аз даҳон гузаронида шуд
Дар шаҳри Хуҷанд Рӯзи байналмилалии оила таҷлил карда шуд
Муассисаҳои тиббии Тоҷикистон бо таҷҳизоти муосир таъмин карда мешаванд
Дар Тоҷикистон оид ба дарки коррупсия таҳқиқоти маҷмуии сотсиологӣ анҷом дода шуд
Дар «Боғи Ирам» Фестивал-озмуни «Беҳтарин армуғон» доир мегардад
Аввалин таҳқиқоти Маркази яхшиносии Тоҷикистон оид ба тавозуни зимистона гузаронида шуд
Масъалаи хизматрасонии тиббӣ ба модару кӯдак баррасӣ гардид
