ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад

Март 15, 2024 14:28

ДУШАНБЕ, 15.03.2024 /АМИТ «Ховар»/. Агентии миллии иттилоотии Тоҷикистон «Ховар» дар якҷоягӣ бо вазорату идораҳои дахлдори мамлакат, рӯзномаҳои давлатӣ ва  маҷаллаи «Бонувони Тоҷикистон» бо мақсади иҷрои банди 27-и ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмуни «Вассофи Ватан»-ро эълон  менамояд.

Мақсади асосии фестивал-озмун тарбияи эҳсоси ватандӯстӣ ва ифтихор аз Истиқлоли давлатӣ, эҳтирому муҳаббат ба Ватан ва расму оинҳои мардумӣ, дарёфти муаллифони боистеъдод, эҷодкор ва навовару бомаҳорат, тарғиб ва муаррифии дастовардҳои солҳои соҳибистиқлолӣ, таърихи миллати тоҷик ва фарзандони фарзонаи он дар сатҳи ҷумҳурӣ ва ҷаҳон, афзалияти Тоҷикистон дар арсаи байналмилалӣ, муаррифии табиати нотакрор, олами ҳайвоноту наботот, парандагон ва обҳои шифобахши он, инчунин ҳавасманд гардонидани онҳо мебошад.

Интихоби беҳтарин маводи насрӣ (мақола, ҳикоя, қисса ва ғайра), ролики таблиғотӣ, барнома ё филми муаллифӣ дар васфи Ватан, дастовардҳои миллӣ, табиати нотакрор ва мавзеъҳои сайёҳӣ дар як давр бо роҳи арзёбии маводи пешниҳодгардида аз ҷониби ҳакамони фестивал-озмун анҷом дода мешавад.

Фестивал-озмун аз моҳи апрел то охири октябри соли 2024 гузаронида мешавад. Мавод тавассути почтаи электронии ozmun@khovar.tj то 15 октябри соли 2024 қабул карда мешавад. Маводи ба озмун пешниҳодшаванда бояд ба забони давлатӣ (тоҷикӣ) ё ба забони русӣ таҳия шуда бошад. Барои арзёбии маводи ба фестивал-озмун пешниҳодшуда ҳайати ҳакамон аз ҳисоби намояндаи Дастгоҳи иҷроияи Президенти Ҷумҳурии Тоҷикистон, намояндагони вазорату идораҳои масъул ва сармуҳаррирони маҷаллаву рӯзномаҳои ҷумҳуриявӣ таъсис дода мешавад.

Мавод ба фестивал-озмун бояд дар шакли чопӣ ва электронӣ (шрифти Palatino Linotype 14 дар формати А4 ба андозаи аз 2 то 5 саҳифа), видеоролик дар ҳаҷми 3-5 дақиқа, барнома ё филми муаллифии кӯтоҳ дар ҳаҷми то 15 дақиқа ирсол карда шавад.

Маводи беҳтарини ба озмун пешниҳодшуда баъди баҳогузорӣ аз ҷониби АМИТ «Ховар» ва нашрияҳои ҷумҳуриявӣ, инчунин шабакаҳои иҷтимоӣ тарғиб карда мешавад.

Комиссияи фестивал-озмун номи 12 ғолиби озмун: се ғолиб дар номинатсияи «Беҳтарин маводи насрӣ (мақола, ҳикоя, қисса ва ғайра)» (ҷойҳои 1-ум, 2-юм ва 3-юм), се ғолиб дар номинатсияи «Беҳтарин ролики таблиғотӣ, барнома ё филми муаллифии кӯтоҳ» (ҷойҳои 1-ум, 2-юм ва 3-юм), се ғолиб дар номинатсияи «Беҳтарин тарғибгари дастовардҳои миллӣ дар шабакаҳои иҷтимоӣ» (ҷойҳои 1-ум, 2-юм ва 3-юм) ва се ғолиб дар номинатсияи «Беҳтарин тарғибгари мавзеъҳои сайёҳӣ дар воситаҳои ахбори омма ва шабакаҳои иҷтимоӣ» (ҷойҳои 1-ум, 2-юм ва 3-юм)-ро эълон менамояд.

Иштирокчиёне, ки ғолиб мегарданд, аз рӯйи номинатсияҳо бо мукофоти пулӣ ва диплому сипосномаҳо ҳавасманд гардонда мешаванд.

Телефонҳо барои тамос: 888-08-34-04, 238-54-23

София ШОИК,
АМИТ «Ховар»

АКС аз манбаъҳои боз

Март 15, 2024 14:28

Хабарҳои дигари ин бахш

Моҳи сентябр дар Тоҷикистон 700-солагии Ҳофизи Шерозӣ ҷашн гирифта мешавад
«САД РАНГИ ЧАКАН». Дар Душанбе фестивал ва намоиш- фурӯши маҳсулоти чакандӯзию гулдӯзӣ доир мегардад
Дар Душанбе дар мавзуи аҳамияти синошиносӣ ва муаррифии осори Абӯалӣ ибни Сино ҳамоиш баргузор шуд
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд