ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
ДУШАНБЕ, 23.03.2024 /АМИТ «Ховар»/. Имрӯз дар Боғи фарҳангӣ-фароғатии ба номи Садриддин Айнии ноҳияи Исмоили Сомонии шаҳри Душанбе Ҷашни байналмилалии Наврӯзро бо тантана ва шукуҳи хосса таҷлил намуданд. Сокинону меҳмонони пойтахт дар боғи мазкур бо анъанаҳои қадимаи наврӯзии миллати тоҷик, ки аз ҷониби намояндагони сохторҳои гуногуни шаҳри Душанбе пешниҳод гардиданд, аз наздик шинос шуданд. Дар ин хусус АМИТ «Ховар» хабар медиҳад.
Дар ҷашнгоҳ намоиши ҳунарҳои мардумӣ ташкил гардида, дастурхони наврӯзӣ бо таомҳои миллӣ оро дода шуда, яке зери деги суманак ҳезум меандохт, дуюмӣ онро мекофт, дигарон гирди он давра зада, бо доира суруди «Суманак дар ҷӯш, мо кафча занем»-ро мехонданд.
Корхонаву муассисаҳои ҳудуди ноҳияи Исмоили Сомонии пойтахт дастовардҳои яксолаи худро ба маърази тамошо гузоштанд. Сокинону меҳмонони ин ҷашни пуршукуҳ зери таронаҳои наврӯзӣ мерақсиданду шодӣ мекарданд ва аз он ки зери осмони софу беғубор ва сулҳу субот ин ҷашни ниёгонро таҷлил менамуданд, шукрона мегуфтанд. Шоду нишоти кӯдаконро интиҳо набуд, онҳо шеър мехонданду мерақсиданд, ки аз ин имтирокдорон завқ бурда, хушҳолӣ менамуданд.
АКС: АМИТ «Ховар»
Дар Тоҷикистон экспедитсияи сайёҳии «Саёҳат ба қалби Авруосиё-2025» баргузор мешавад
Рустами Эмомалӣ бо Кетрин Мери Рассел мулоқот намуданд
Раиси шаҳри Душанбе Рустами Эмомалӣ бо Раиси Шурои директорони шабакаи телевизионии «Евронюс» Педро Варгас Сантос Давид мулоқот намуданд
Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд
Шаҳри Душанбе то соли 2028 пурра ба нақлиёти мусофиркаши барқӣ мегузарад
Даври шаҳрии Озмуни ҷумҳуриявии «Оилаи беҳтарин» баргузор мегардад
«RED BUS TOURS». Дар Душанбе мавсими хатсайрҳои сайёҳии дохилишаҳрӣ оғоз мегардад
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ дар ноҳияи Сино супорида шуд
Дар Душанбе ба пешвози меҳмонон-иштирокдорони Конфронси байналмилалии сатҳи баланд оид ба ҳифзи пиряхҳо омодагӣ мегиранд
Бо қарори Раиси шаҳри Душанбе Рӯзи ҷавонони Тоҷикистон дар сатҳи баланд таҷлил мегардад
Бо Қарори Раиси шаҳри Душанбе ба иштирокчиёни Ҷанги дуюми ҷаҳонӣ кумакҳои пулӣ расонида мешаванд
Дар Душанбе барои занону духтарон аз оилаҳои ниёзманд даври омӯзишии «Бонуи ҳунар» оғоз ёфт
