Зулфиқор Гулаҳмадзода раиси Иттифоқи ҷавонони Тоҷикистон интихоб гардид
ДУШАНБЕ, 30.03.2024 /АМИТ «Ховар»/. Имрӯз дар толори Донишгоҳи техникии Тоҷикистон ба номи академик М. Осимӣ бо иштироки вакилон аз саросари мамлакат ва собиқадорони соҳаи кор бо ҷавонон ва варзиш Анҷумани XVI ғайринавбатии Иттифоқи ҷавонони Тоҷикистон доир гардид. Дар ин хусус ба АМИТ «Ховар» дар Маркази таҳлил ва иттилооти Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Рӯзномаи Анҷуман шаш масъаларо дар бар гирифта, тибқи масъалаи якум фаъолияти Иттифоқи ҷавонони Тоҷикистон дар давраи сипаришуда ва вазифаҳо барои марҳилаи минбаъда муҳокима гардид.
Гуфта шуд, ки Иттифоқи ҷавонони Тоҷикистон, дар тарбияи насли наврас, рушду тараққии сиёсиву иҷтимоиву иқтисодии мамлакат, бедории милливу номуси ватандорӣ, таҳкими сулҳу ваҳдат ва истиқлолият, бунёди ҷомеаи демократӣ ва муаррифии мамлакат дар ҷаҳони мутамаддин мебошад.
Дар идомаи баррасии масъалаҳои рӯзнома бо пешниҳоди вакилон номзадии Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ба вазифаи Раиси Иттифоқи ҷавонони Тоҷикистон пешбари гардида, бо овоздиҳии якдилонаи вакилон номбурда Раиси Иттифоқи ҷавонони Тоҷикистон интихоб гардид.
Дар фарҷом Раиси тозаинтихоби Иттифоқи ҷавонони Тоҷикистон аз тамоми ҷавонони мамлакат даъват намуд, ки таҳти шиори «Ҷавонон – Пайравони Пешвои миллат» баҳри пешрафту рушди Ватан хизмат намоянд.
АКС: Маркази таҳлил ва иттилооти Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
