Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
ДУШАНБЕ, 17.04.2024 /АМИТ «Ховар»/. Ҳайати Тоҷикистон таҳти роҳбарии муовини Вазири рушди иқтисод ва савдои ҷумҳурӣ Аҳлиддин Нуриддизода бо намояндагони Вазорати федералии Олмон оид ба ҳамкории иқтисодӣ ва рушд (BMZ) дар шаҳри Бонн мулоқот намуд, хабар медиҳад АМИТ «Ховар» бо истинод ба Вазорати рушди иқтисод ва савдои мамлакат.
Роҳбари ҳайати Тоҷикистон оид ба маблағгузорӣ намудани «Барномаи маблағгузории занҷираи арзиши иловашуда дар соҳаи кишоварзии Ҷумҳурии Тоҷикистон» ва дастгириҳои пайвастаи Ҳукумати Олмон изҳори сипос намуд.
Гуфта шуд, ки дар натиҷаи иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон рушди иқтисоди миллӣ соли 2023 таъмин гардида, рушди воқеии он ба 8,3 фоиз баробар шуд. Таъкид шуд, ки соҳаи кишоварзӣ бахши муҳимтарини иқтисоди Тоҷикистон буда, аҳолиро ба маҳсулоти ғизоӣ ва соҳаи саноатро ба ашёи хом таъмин менамояд. Соли 2023 ҳиссаи соҳаи кишоварзӣ дар сохтори маҷмуи маҳсулоти дохилӣ ба 24,3 фоиз баробар гардид.
Дар анҷом таъкид шуд, ки бо назардошти саҳми назаррас доштани соҳаи кишоварзӣ дар рушди иқтисоди миллӣ бо мақсади ноил гаштан ба ҳадафҳои Ҳукумати мамлакат ва дастгирии соҳаи кишоварзӣ идома додани маблағгузории «Барномаи маблағгузории занҷираи арзиши иловашуда дар соҳаи кишоварзии Ҷумҳурии Тоҷикистон» муҳим арзёбӣ мегардад.
Ҷонибҳо омодагиашонро ба тақвияти ҳамкории мутақобилан судманд ва баррасии пешниҳодҳо баён намуданд.
АКС: Вазорати рушди иқтисод ва савдои Ҷумҳурии Тоҷикистон
Кишоварзони Тоҷикистон беш аз 131 ҳазор тонна сабзӣ ҷамъоварӣ карданд
Тоҷикистон ва Фонди Қатар оид ба рушд масъалаи густариши ҳамкориро баррасӣ карданд
Дар шаҳри Вашингтон Бизнес-Конфронси кишварҳои Осиёи Марказӣ ва Иёлоти Муттаҳидаи Амрико дар қолаби С5+1 баргузор гардид
Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
