Ҳайати Тоҷикистон дар Форуми байналмилалии сатҳи баланд оид ба сиёсати сайёҳӣ иштирок намуд
ДУШАНБЕ, 19.04.2024 /АМИТ «Ховар»/. 18-19 апрел дар шаҳри Бусани Ҷумҳурии Корея Форуми байналмилалии сатҳи баланд оид ба сиёсати сайёҳӣ «KOPIST-2024» баргузор гардид, ки дар он намояндагони Ҷумҳурии Тоҷикистон аз Кумитаи рушди сайёҳии назди Ҳукумати Ҷумҳурии Тоҷикистон иштирок намуданд. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.
Дар кори форум, аз ҷумла доир ба зарфияти сайёҳии Ҷумҳурии Тоҷикистон тавсеаи ҳамкории Тоҷикистон ва Корея дар бахши сайёҳӣ, омӯзиши таҷрибаи Корея ва ҷалби сармоягузориҳо дар соҳаи сайёҳӣ маъруза карда шуд.
Намояндагони Тоҷикистон иброз доштанд, ки дар партави дастгириҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва сиёсати дарҳои кушодаи Ҳукумати Ҷумҳурии Тоҷикистон имрӯз Тоҷикистон тамоми имкониятро дар самти рушди сайёҳӣ, шароити мусоиди ҳуқуқӣ, содагардонии дастрасии раводид, ба роҳ мондани низоми бераводид, додани имтиёз ба соҳибкорони ватанию хориҷӣ, ҷорӣ гардидани имтиёзҳои андозию гумрукӣ дар соҳаи сайёҳӣ, тавсеаи ҳамкорӣ бо давлатҳои хориҷӣ фароҳам овардааст.
Форуми байналмилалии сатҳи баланд оид ба сиёсати сайёҳӣ «KOPIST-2024» аз ҷониби Вазорати фарҳанг, варзиш ва сайёҳии Ҷумҳурии Корея баргузор гардида, дар он дар баробари Ҷумҳурии Тоҷикистон намояндагони соҳаи сайёҳии чаҳор давлати Осиёи Марказӣ низ иштирок намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
Дар Тоҷикистон беш аз 184 ҳазор хоҷагии деҳқонӣ фаъолият менамоянд
«ДУШАНБЕ ИНВЕСТ-2025». Дар маҷмуъ 52 санад ба маблағи беш аз 4 миллиард доллар ба имзо расид
«ДУШАНБЕ ИНВЕСТ-2025». Аз рӯи натиҷаҳои Форуми байналмилалии сармоягузорӣ нишасти матбуотӣ доир шуд
РАМЗИ 7 СИТОРАИ ПАРЧАМИ МИЛЛӢ ДАР РУШДИ ИҚТИСОД. Ва ё 7 омиле, ки сармоягузорони хориҷиро ба Тоҷикистон ҷалб менамоянд
