Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
ДУШАНБЕ, 19.04.2024 /АМИТ «Ховар»/. Бо назардошти он ки воситаҳои қарздиҳии Хазинаи Байналмилалии Асъор /ХБА/ барои қонеъ кардани ниёзҳои тағйирёбандаи давлатҳо пайваста такмил дода мешаванд, мо ба дастгирии Хазина дар таъмини маблағгузории дарозмуддати дастрас барои таҳкими муқовимат ба амалҳои беруна, аз ҷумла омодагӣ ба тағйирёбии иқлим ниёз дорем. Чунин гуфт муовини якуми Сарвазири Тоҷикистон Ҳоким Холиқзода дар мулоқот бо муовини директори Хазинаи Байналмилалии Асъор Бо Ли.
Ба АМИТ «Ховар» дар Бонки миллии Тоҷикистон хабар доданд, ки Ҳоким Холиқзода ба муовини директори Хазинаи Байналмилалии Асъор Бо Ли барои ҳамкории бисёрсолаву пурсамар ва дастгирии доимӣ дар ислоҳоти иқтисодӣ, инчунин тасдиқи Барномаи фишанги ҳамоҳангсозии сиёсат (Policy Consultation Instrument), ки дар беҳтар сохтани фазои сармоягузорӣ нақши муассир дорад, изҳори сипос намуд.
Гуфта шуд, ки ҳарчи зудтар амалӣ намудани нишондиҳандаҳои миқдорӣ ва мақсадноки ислоҳоти Барнома аз сари вақт расонидани кумаки техникӣ ва машваратии дар доираи ин барномаи пешбинишуда вобастагӣ дорад.
Ҷониби Тоҷикистон мусоидати Хазинаи Байналмилалии Асъорро дар ташаккули институтҳо ва рушди иқтидори инсонӣ тавассути Маркази минтақавии рушди иқтидор барои Минтақаи Қафқоз, Осиёи Марказӣ ва Муғулистон қобили қабул донист.
Муовини директори Хазинаи Байналмилалии Асъор Бо Ли омодагияшро ба муколама ва ҳамкории судманд баён намуда, аз дастовардҳое, ки имрӯз Тоҷикистон ноил гаштааст, изҳори қаноатмандӣ намуд.
АКС: Бонки миллии Тоҷикистон
НИШАСТИ МАТБУОТӢ. Ҳаҷми истеҳсоли неруи барқ дар Тоҷикистон беш аз 8,9 миллиард кВт-соатро ташкил дод
Тоҷикистон ва Беларус густариши ҳамкории тиҷоратию иқтисодӣ ва кишоварзиро баррасӣ намуданд
200 нафар занони соҳибкор аз грантҳои Президенти Ҷумҳурии Тоҷикистон бархурдор мегарданд
Дар беш аз 500 гектар замини хоҷагиҳои ҷамоавӣ ва деҳқонии Тоҷикистон боғу токзори нав бунёд гардидааст
Фарҳод Раҳимӣ: «Иқдоми стратегии Президенти Тоҷикистон доир ба зеҳни сунъӣ дар сатҳи ҷаҳонӣ хеле саривақтӣ аст»
Корхонаҳои саноатии Хуҷанд ба маблағи 214,7 миллион сомонӣ маҳсулот содирот намудаанд
ҚУРБИ АСЪОР: дар Тоҷикистон 1 доллари ИМА аз 9.5385 то 9.6000 сомонӣ муқаррар шудааст
Гурӯҳи кории Бонки рушди Осиё бо имконоти сармоягузорӣ ва инфрасохтори Минтақаи озоди иқтисодии «Данғара» шинос шуд
Дар Пекин дафтари намояндагии Палатаи савдо ва саноати Ҷумҳурии Тоҷикистон ифтитоҳ гардид
НИШАСТИ МАТБУОТӢ. Агентии «Тоҷикстандарт» ба зиёда аз 21 ҳазор миқдор молу маҳсулот сертификати мутобиқат дод
Бахшида ба ворид шудани дараи Алмосӣ ба Низоми мероси кишоварзии дорои аҳамияти ҷаҳонӣ дар Ҳисор ҳамоиши ҷумҳуриявӣ доир шуд
Сармоягузорони Чин бо фаъолияти Минтақаи озоди иқтисодии «Кӯлоб» шинос шуданд
