Дар деҳаи Муъминободи шаҳри Ҳисор сохтмони бинои иловагии мактаб оғоз ёфт
ДУШАНБЕ, 24.04.2024 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар назди Муассисаи таҳсилоти миёнаи умумии №30-и шаҳри Ҳисор сохтмони бинои иловагии мактаб оғоз шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд.
Бинои иловагӣ бо саҳми аҳолӣ ва дастгирии мақомоти иҷроияи ҳокимияти давлатии шаҳр сохта мешавад. Он аз ду ошёна- ошёнаи якум бо фарогирии 5 синфхона бо 250 ҷойи нишаст дар ду баст ва утоқи корӣ барои роҳбарияти муассиса иборат буда, дар ошёнаи дуюм маҷлисгоҳ бо 500 ҷойи нишаст бунёд мешавад.
Иҷрокунандаи вазифаи Раиси шаҳри Ҳисор дар саҳни муассиса бо омӯзгорон ва пирони рӯзгор – шахсони муътабари деҳаи Муъминободи Ҷамоати деҳоти Деҳқонобод суҳбат намуда, онҳоро ба тарбияи фарзандони донишманду хушахлоқ ва соҳибкасб, ки оянда тавонанд содиқонаю софдилона ба манфиату пешрафти давлату миллат ва ободии Ватан хизмат намоянд, ҳидоят кард.
АКС: Мақомоти иҷроияи ҳокимияти давлатии шаҳри Ҳисор
Cуханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони ноҳияи Шуғнон
Пешвои миллат Эмомалӣ Раҳмон бо роҳбарону фаъолони ноҳияи Шуғнон мулоқот намуданд
Президенти Ҷумҳурии Тоҷикистон Эмомалӣ Раҳмон дар ноҳияи Шуғнон Муассисаи таҳсилоти томактабии №3 бо номи Пайравони Пешворо мавриди истифода қарор доданд
Сарвари давлат Эмомалӣ Раҳмон дар ноҳияи Шуғнон майдони Нишони давлатиро ифтитоҳ намуданд
