Дар Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор шуд

Апрель 20, 2024 10:26

ДУШАНБЕ, 20.04.2024 /АМИТ «Ховар»/. 18-19 апрел дар шаҳри Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор гардид, хабар доданд ба АМИТ «Ховар» дар Агентии содироти назди Ҳукумати Ҷумҳурии Тоҷикистон.

Вохӯрӣ бо дастгирии Ҳукумати Ҷумҳурии Тоҷикистон аз ҷониби Агентии содирот баргузор шуда, дар кори он намояндагони ниҳодҳои пешбарандаи содироти Тоҷикистон, Узбекистон, Қазоқистон, Туркманистон, Қирғизистон, инчунин намояндагони бахши хусусӣ, шарикони рушд ва коршиносони байналмилаливу миллӣ иштирок намуданд.

Ҳадаф аз баргузории ҳамоиш таҳкими ҳамкорӣ ва мубодилаи таҷриба байни ниҳодҳои пешбарандаи содироти мамлакатҳои Осиёи Марказӣ, муаррифии таҷрибаи Тоҷикистон дар самти ҳавасмандгардонии содирот ва баррасии масъалаҳо вобаста ба роҳҳои беҳтар намудани инфрасохтори мусоиди савдо барои таъмини устувории ташаббусҳои рушди содирот дар минтақа буд.

Дар вохӯрӣ  оид ба мушкилоти ҷойдошта байни мамлакатҳои Осиёи Марказӣ дар самти содироти молу маҳсулот ва хизматрасонӣ, роҳҳои ҳалли онҳо, истифодаи иқтидору имконияти мамлакатҳо барои дар марҳилаи аввал таъмин намудани бозорҳои дохилӣ ва сипас содироти молу маҳсулот ба мамлакатҳои минтақа ва ҷаҳон, интиқоли бемамониати маҳсулоти зудвайроншаванда, эътирофи тарафайни ҳуҷҷатҳои иҷозатдиҳии содиротӣ ҳангоми барасмиятдарории гумрукӣ тавассути равзанаи ягона, бастани шартномаҳои кафолатнок байни субъектҳои содироткунандаи давлатҳо гуфта шуд.

Иброз гардид, ки моро зарур аст дар якҷоягӣ имконияти васеи ҷойдоштаи содиротии минтақаамонро рушд дода, барои мамлакатҳоямон фазои мусоиди иқтисодӣ ва сармоягузорӣ фароҳам оварем.

Дар ҳошияи вохӯрӣ иштирокдорон мавзуъҳои «Дастрасӣ ба маблағгузории савдо барои афзоиши содирот», «Таҷрибаи Тоҷикистон дар самти ҳавасмандгардонии содирот», «Тавсеаи хизматрасониҳои молиявӣ ба содиркунандагон», «Қоидаҳои Созмони Умумиҷаҳонии Савдо оид ба дастгирии содирот», «Барномаи суръатбахшии тиҷорати электронии Осиёи Марказӣ», «Кумаки молиявӣ дар байни соҳибкории хурду миёна», «Бозорҳои нав, воқеияти нав: Ховари Миёна ва Иттиҳоди Аврупо» ва «Модели ҳамкории институтҳои миллӣ ва байналмилалии рушди содирот»-ро  баррасӣ намуданд.

Дар ҳошияи вохӯрӣ мулоқотҳои дуҷониба ва бисёрҷонибаи сохторҳои масъули  содироти  Тоҷикистон, Қазоқистон, Қирғизистон, Туркманистон ва Узбекистон доир гардид. Ҷонибҳо ба таҳкими ҳамкорӣ дар самти таъсиси марказҳои логистикӣ ва тақсимоти яклухти маҳсулот, корхонаҳои муштарак барои харид, захира, банду баст ва содироти минбаъдаи маҳсулоти кишоварзӣ баланд бардоштани малакаи дониши содироткунандагони минтақаи Осиёи Марказӣ таваҷҷуҳ зоҳир намуданд.

Дар интиҳо ҷонибҳо ба тавофуқ расиданд, ки лоиҳаи стратегияи рушди содироти байни мамлакатҳои Осиёи Марказиро таҳия ва ба тасвиб расонанд.

Инчунин меҳмонон бо шароити корӣ ва иқтидори истеҳсолии  корхонаи нассоҷии Ҷамъияти дорои масъулияти маҳдуди «Арвис» ва Ҷамъияти дорои масъулияти маҳдуди «Сиёма» шинос шуданд.

АКС: Агентии содироти назди Ҳукумати Ҷумҳурии Тоҷикистон

Апрель 20, 2024 10:26

Хабарҳои дигари ин бахш

Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд