Дар корхонаҳои саноатии Бадахшон имсол ба маблағи қариб 40 миллион сомонӣ маҳсулот истеҳсол карда шудааст
ДУШАНБЕ, 21.04.2024 /АМИТ «Ховар»/. Дар корхонаву коргоҳҳои саноатии Вилояти Мухтори Кӯҳистони Бадахшон дар се моҳи соли 2024 дар ҳаҷми қариб 40 миллион сомонӣ маҳсулоти саноатӣ истеҳсол карда шудааст, ки ин нишондиҳанда нисбат ба ҳамин давраи соли 2023 6,4 миллион сомонӣ зиёд мебошад.
Назар ба иттилои сардори Сарраёсати омори Бадахшон Хушқадам Одинеков, суръати рушди соҳаи саноат дар вилоят дар семоҳаи якуми соли 2024 дар сатҳи 118,4 фоиз таъмин гардид.
Гуфта мешавад, ки омили асосии рушди суръати соҳаи саноат асосан аз ҳисоби афзоиши ҳаҷми саноати коркард дар сатҳи 140,8 фоиз ба амал омадааст. Дар давраи сипаришуда ҳаҷми гардиши савдо дар вилоят 58 миллиону 445,8 ҳазор сомониро ташкил дод, ки нисбат ба ҳамин давраи соли 2023 бо нархҳои муқоисавӣ 1,7 фоиз ё ба маблағи 5 миллиону 322 ҳазор сомонӣ зиёд шудааст.
Ҳаҷми хизматрасонии пулакӣ дар ҳамаи соҳаҳои хизматрасон 37 миллиону 772,7 ҳазор сомониро ташкил дод, ки нисбат ба ҳамин давраи соли 2023 бо нархҳои муқоисавӣ 5,9 фоиз зиёд аст.
Бо назардошти Солҳои рушди саноат эълон шудани солҳои 2022-2026 ба ин масъала дар вилоят таваҷҷуҳи хосса зоҳир карда мешавад. Ин аст, ки соҳаи саноат дар вилоят сол то сол рушд намуда, дар ҳалли масоили муҳимтарини иҷтимоӣ, яъне афзун намудани ҷойи кор ва ба маротиб баланд бардоштани некуаҳволӣ, таъмини бехатарӣ ва рақобатпазирии иқтисодиёти миллӣ шароити мусоид фароҳам оварда мешавад.
АКС: Агентии омори назди Прзиденти Ҷумҳурии Тоҷикистон
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Сафари кории Пешвои миллат Эмомалӣ Раҳмон ба ноҳияи Ҷайҳун бо ифтитоҳи Корхонаи «Шири Ҷайҳун» оғоз ёфт
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Пешвои миллат Эмомалӣ Раҳмон дар шаҳри Душанбе ба фаъолияти марҳилаи дуюми ҶДММ «Кока-Кола Нӯшокиҳои Тоҷикистон» оғози расмӣ бахшиданд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
