Гурӯҳи аввалини ҷавонписарони ноҳияи Айнӣ ба хизмати ҳарбӣ ҷалб гардид
ДУШАНБЕ, 03.04.2024 /АМИТ «Ховар»/. Гурӯҳи аввалини ҷавонони синни даъватии ноҳияи Айнӣ- родмардони ватандӯсту шуҷоатманд ба таври ихтиёрӣ, бо амри дилу виҷдон ба хизмати Ватан- Модар рафт. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Ба ин муносибат дар майдони Нишони давлатии Ҷумҳурии Тоҷикистон дар ноҳияи Айнӣ бо иштироки роҳбарияти мақомоти иҷроияи ҳокимияти давлатӣ, раисони ҷамоатҳои шаҳраку деҳот, кормандони комиссариати ҳарбӣ, собиқадорони ҷангу меҳнат ва волидайну пайвандони ҷавонон ҳамоиши тантанавӣ баргузор гардид.
Ҳамоиш бо садо додани Суруди миллии Ҷумҳурии Тоҷикистон оғоз гардид. Гуфта шуд, ки тибқи Фармони Президенти Ҷумҳурии Тоҷикистон аз 5 марти соли 2024 «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006» ҷавонони шуҷои ноҳия ба хизмат дар сафи Қувваҳои Мусаллаҳи мамлакат даъват шудаанд.
Изҳори боварӣ шуд, ки ҷавонони шуҷои ноҳия бо хизмати бошараф дар бунёди ҷомеаи демократӣ, ҳуқуқбунёд ва дунявӣ саҳм гузошта, зимни иҷрои дастуру супоришҳои Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ва оинномаҳои хизматӣ манфиатҳои сиёсӣ ва якпорчагии Ватани азизамонро сарбаландона ҳимоят менамоянд.
Дар ҳамоиш ҷавони даъватшуда Фаррухрӯз Боймуродов аз деҳаи Кантеи Ҷамоати деҳоти Фондарё ва падари даъватшаванда аз деҳаи Марғеби Ҷамоати деҳоти Анзоб Маҳкам Пиров сухан гуфтанд. Иброз гардид, ки барои насли ҷавон яке аз муҳимтарин мактаби обутоб хизмат дар сафи Қувваҳои Мусаллаҳи мамлакат мебошад. Маҳз дар ҳамин ҷо ҷавонписарон шуҷоату мардонагӣ омӯхта, муқаддастарин арзиши ҳаёт- дӯст доштан ва содиқона муҳофизат намудани хоки поки Тоҷикистонро ёд мегиранд.
Сипас ба ҷавононе, ки дар Ташкилоти ҷамъиятии «Мададгори мудофиа» таҳсил намуда, соҳибкасб гардиданд, дар фазои тантанавӣ Шаҳодатномаи ронандагӣ супорида шуд.
Ҳамчунин дар фарҷом анъанаи нонгазон ва барномаи фарҳангӣ доир гардид.
АКС: Хадамоти матбуоти Раиси вилояти Суғд
Дар Душанбе ҷаласаи корӣ оид ба омодагии сохторҳои дахлдор ба мудофиаи давлат доир гардид
Дар Бадахшон оид ба истифодаи интернет ҳамоиш доир шуд
Котиби Шурои амнияти Ҷумҳурии Тоҷикистон бо Котиби генералии Созмони ҳамкории Шанхай мулоқот намуд
Иди касбии мақомоти Прокуратураи генералии Ҷумҳурии Тоҷикистон таҷлил гардид
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
14 март — Рӯзи кормандони мақомоти прокуратура. Прокуратура яке аз сохторҳои калидии низоми давлатдорӣ аст
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
