Самтҳои ҳамкорӣ байни Тоҷикистон ва Амрико дар соҳаи саноати кӯҳкорӣ ва ҷустуҷӯи геологӣ муҳокима шуданд
ДУШАНБЕ, 02.04.2024 /АМИТ «Ховар»/. Ҳайати Тоҷикистон таҳти роҳбарии муовини якуми Вазири саноат ва технологияҳои нави ҷумҳурӣ Исоҷон Қурбонзода дар ҳамоише, ки дар мавзуи «Технологияҳои навин ва пешрафтаи ширкатҳои истихроҷкунандаи металлҳои қиматбаҳои Иёлоти Муттаҳидаи Амрико» дар Амрико доир гардид, иштирок намуд. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад.
Дар ҷараёни ҳамоиш ҳайати Тоҷикистон бо бузургтарин озмоишгоҳи ташхиси маъданҳои кӯҳӣ-геологии «HAZEN», ки ба бахши истихроҷи маъданҳои Амрико хизмат мерасонад ва аз муассисаҳои асосии Хадамоти геологии Амрико (USGS), Маркази илмии геология, геофизика ва геохимия, Институти кӯҳкории Колорадо шинос гардид. Дар доираи ёддоштҳои тафоҳуми байни ҳайати Тоҷикистон ва ширкатҳои соҳаи маъдани Амрико баимзорасида дар оянда таҷрибаи онҳо дар Ҷумҳурии Тоҷикистон истифода бурда мешавад.
Дар ҳошияи ҳамоиш мулоқоти ҳайати Тоҷикистон бо менеҷменти Фонди сармоягузории «Resource Capital Funds», муовини ёвари Котиби давлатии Иёлоти Муттаҳидаи Амрико Кимберли Ҳаррингтон баргузор гардид.
Зимни он самтҳои ҳамкорӣ ва маблағгузорӣ дар соҳаи саноати кӯҳкорӣ, ҷустуҷӯи геологӣ, рушди соҳаҳои афзалиятноки саноати Тоҷикистон ва амалигардонии лоиҳаҳои муштарак баррасӣ гардиданд.
АКС: Вазорати саноат ва технологияҳои нави Ҷумҳурии Тоҷикистон
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
