Ҳамкорӣ бо ташкилоти «WTIT — Интиқоли ҷаҳонии технологияҳои иттилоотӣ дар Тоҷикистон» рушд меёбад

Май 15, 2024 14:37

ДУШАНБЕ, 15.05.2024. /АМИТ «Ховар»/. Ректори Донишгоҳи технологии Тоҷикистон дар раванди рушди ҳамкории дуҷониба, ки аз ҷониби Ҳукумати Ҷумҳурии Тоҷикистон ва Ҳукумати Ҷумҳурии Кореяи Ҷанубӣ фароҳам гардидааст, бо намояндаи расмии ташкилоти «WTIT — Интиқоли ҷаҳонии технологияҳои иттилоотӣ дар Тоҷикистон» ва ҳамзамон директори Маркази муштараки Тоҷикистон ва Кореяи назди донишгоҳ вохӯрӣ намуд. Дар ин хусус АМИТ «Ховар» бо истинод ба Донишгоҳи технологӣ хабар медиҳад.

Зимни вохӯрӣ ҷонибҳо оид ба ҳамкории судманди чандинсола бо шарикон ва ташкилоти кореягӣ дар самти рушди маорифи Тоҷикистон, амалӣ намудани технологияҳои муосири таълимиву методӣ ва такмили пойгоҳи моддиву техникии донишгоҳ суҳбат намуданд.

Ҷонибҳо иброз доштанд, ки мақсади ҳамкорӣ баланд бардоштани тавонмандии донишгоҳ оид ба рушди заминаҳои моддиву техникии мосир, такмил додани неруи кадриву омӯзгории он дар самти технологияи иттилоотӣ-коммуникатсионӣ ва рақобатпазир гардонидани хатмкунандагони ин соҳа мутобиқ ба талаботу меъёрҳои бозори меҳнат, инчунин тақвият бахшидани нуфузи донишгоҳ дар бозори таълимоти дохилӣ, минтақавӣ ва ҷаҳонӣ ба шумор меравад.

Донишгоҳ ҳамчун муассисаи таълимии ба самти технологияҳо нигаронида метавонад тариқи омода намудани мутахассисони рақобатпазири ин соҳа дар бозори меҳнат ва таълимоти минтақавӣ ва ҷаҳонӣ бо такя ба таҷрибаи пешқадами донишгоҳҳои кореягӣ мавқеи муносиб пайдо намояд. Ин раванд имконият медиҳад, ки ҳамчун омили муҳим барои ноил шудан ба рушди саноати мамлакат тавассути рушди саноати технологияи иттилоотӣ-коммуникатсионӣ дар асоси табодули рақамӣ ва амалӣ намудани технологияҳои “Зеҳни сунъӣ” бо истифода аз таҷрибаи муваффақи Корея барои таҳкими малакаҳои баланди таълимию илмии мутахассисони соҳаи технологияи иттилоотӣ-коммуникатсионӣ аҳамияти бузург дошта бошад.

Гуфта шуд, ки Марказ бо дастгирии Ҳукумати Ҷумҳурии Корея, Фонди миллии таҳқиқотии Корея (NRF) ва Ташкилоти кореягӣ оид ба ҳамкории байналмилалӣ (KOICA) барои дар сатҳи зарурӣ ба роҳ мондани раванди дарс ва омодасозии тренерону волонтёрон тамоми шароитро фароҳам овардааст. Дар он фазои муосири фарогирии технологияҳои навини иттилоотиву коммуникатсионӣ таъмин гардида, бо таҷҳизоти зарурӣ муҷаҳҳаз мебошад.

Дар доираи фаъолияти Марказ ҳоло мунтазам чанд устоди Кореяи Ҷанубӣ ба донишҷӯёни донишгоҳ аз забонҳои муосири барномасозӣ, робототехника, барномасозии бесарнишинҳо ва зеҳни сунъӣ дарс мегӯянд. Бо назардошти тамоюли муайяни донишҷӯён барои аз худ намудани забони кореягӣ ва гирифтани маълумот дар Корея соли 2022 дар донишгоҳ «Маркази забономӯзии Институти шоҳ Сеҷонг» ташкил гардид. Он метавонад дар омодасозӣ ба таҳсили касбӣ, шиносоӣ бо таъриху фарҳанги Корея, васеъгардонии ҷаҳонбинӣ ва ташаккули фарҳанги техникии насли нав такони ҷиддӣ бахшад.

Ҷонибҳо изҳор доштанд, ки бо пайдо гардидани имконияти бештар кӯшиш менамоянд, ки ҳамкории дуҷонибаро дар самти рушди технологияи иттилоотӣ-коммуникатсионӣ дар сатҳи сифатан нав ба роҳ монда, ба натиҷаҳои назарраси илмӣ-таҳқиқотии муштарак ва интиқоли технологияҳои пешрафтаи соҳа ноил гарданд.

АКС: Донишгоҳи технологии Тоҷикистон

Май 15, 2024 14:37

Хабарҳои дигари ин бахш

Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд