«ДӮСТИ ПАЙВАНДИ ҶОНРО ГУМ МАКУН». Як гурӯҳ ҷавонони фаъоли Тоҷикистон тавассути «Қатораи ҷавонӣ» аз Душанбе ба шаҳри Турсунзода рафтанд
ДУШАНБЕ, 08.05.2024. /АМИТ «Ховар»/. Дар доираи баргузории Фестивали дӯстии ҷавонон таҳти унвони «Дӯсти пайванди ҷонро гум макун» бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон як гурӯҳ ҷавонони гуногункасб тавассути «Қатораи ҷавонӣ» аз шаҳри Душанбе ба шаҳри Турсунзода сафар намуданд, иттилоъ медиҳад АМИТ «Ховар».
Дар доираи меҳмонии ҷавонон дар ин шаҳр барномаҳои гуногун, аз ҷумла ҳамоишу фестивал, семинару барномаи консертии «Шоми ҷавонӣ» доир мешаванд. Ҳамзамон баргузории бозиҳои гуногуни варзишӣ низ дар назар буда, иштирокчиён бо мавзеъҳои таърихии ин шаҳр ва корхонаҳои саноатии он шинос мешаванд.
Ҳадафи асосии меҳмонӣ- васеъ намудани ҷаҳонбинии ҷавонон, шиносоӣ бо фарҳанги ниёгон, урфу одат ва меҳмоннавозии халқи тоҷик, маданияти шаҳрдорӣ, дӯстии ҷавонон, тарбия намудани ҷавонон дар руҳияи ватандӯстӣ ва арҷгузорӣ ба арзишҳои миллию таҳкими сулҳу суботи мамлакат мебошад.
Меҳмононро бо урфу одати тоҷикона, таҳти садои карнаю сурнай роҳбарияти шаҳри Турсунзода ва гурӯҳи калони ҷавонони шаҳр дар ҳудуди даромадгоҳи шаҳр истиқбол гирифтанд.
Баъдан меҳмононро роҳбарияти шаҳр ба ҳузур пазируфта, зимни суҳбат аз сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон нисбат ба ҷавонони ҷумҳурӣ ёдовар шуданд.
Дар идомаи меҳмонӣ иштирокдороне, ки бори аввал ба ин минтақа омада буданд, барои чунин иқдом ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон миннатдорӣ намуда, изҳор доштанд, ки чунин чорабиниҳо имкон фароҳам меоранд, ки бо мавзеъҳои гуногуни мамлакат шинос шуда, дар ин баробар бо ҷавонони минтақаҳои гуногуни Тоҷикистон шиносоӣ пайдо намоянд.
Ҷавонони фаъол- иштирокчиёни сафар оид ба нақши Пешвои миллат дар таҳкими давлатдории тоҷикон, саҳми Президенти мамлакат дар сулҳу субот ва оромии ҷомеа, ифтихор аз арзишҳои миллати куҳанбунёд ва тарбияи насли наврас дар руҳияи хештаншиносӣ сухан гуфта, садоқати бепоёнашонро ба Пешвои миллат изҳор доштанд.
Иброз гардид, ки «мо талош менамоем дар татбиқи ғояҳои низоми давлатдорӣ, ки аз ҷониби Пешвои миллат мушаххас гардидаанд, саҳм гузошта, иштироки сазовори ҷавононро дар равандҳои бунёдкоронаи ҷомеаи мамлакат таъмин намоем».
Зарангези ЛАТИФ,
АМИТ «Ховар»
АКС: АМИТ «Ховар»
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?
Форуми ҷавонони Тоҷикистон, Узбекистон ва Қирғизистон баргузор гардид
Дар Хуҷанд ҳайати иштирокчиёни Фестивали ҷаҳонии ҷавонон «Navruz Youth World Festival»-ро истиқбол намуданд
Иштирокчиёни Фестивали ҷаҳонии ҷавонон: «Аз истиқболу меҳмоннавозии гарми тоҷикон сарамон ба фалак расид»
