Дар Исломобод конфронси байналмилалӣ марбут ба масъалаҳои обу иқлим баргузор шуд
ДУШАНБЕ, 24.05.2024 /АМИТ «Ховар»/. Бо ибтикори Сафорати Ҷумҳурии Тоҷикистон дар Ҷумҳурии Исломии Покистон дар ҳамкорӣ бо Донишгоҳи Бунёди Исломобод ва ниҳоду ташкилоти обуҳавошиносӣ конфронси байналмилалӣ марбут ба масъалаҳои обу иқлим баргузор гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Исломии Покистон хабар медиҳад.
Дар чорабинӣ ба ҳайси меҳмони фахрӣ Сенатори Сенати Покистон оид ба масъалаҳои обу иқлим Мушоҳид Ҳусайн Сайид, роҳбарияти донишгоҳ, намояндагиҳои корпусҳои дипломатӣ, профессорону донишҷӯён, мутахассисони соҳавӣ, намояндагони воситаҳои ахбори оммаи кишвари иқомат ва кормандони сафорат иштирок намуданд.
Зимни суханронӣ кордори Сафорати Ҷумҳурии Тоҷикистон дар Ҷумҳурии Исломии Покистон Саидҷон Шафиев ҳифзи захираҳои обии минтақа ва истифодаи сарфаракоронаи онҳоро муҳим хонда, диққати иштирокчиёнро ба ташаббусҳои ҷаҳонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба захираҳои обу энергетика ва иқлим ҷалб намуд.
Дар доираи чорабинӣ оид ба рафъи оқибатҳои ногувори тағйирёбии иқлим, таҳдиду хатарҳои он ва аҳамияти камшавии бесобиқаи чаҳонӣ ва ҳифзу нигоҳ доштани макони зисти табиии морхӯр ҳамчун зарурати экологии табиат, ки бо ташаббуси Тоҷикистон аз ҷониби Созмони Милали Муттаҳид бо қатъномаи махсус 24 май ҳамчун Рӯзи байналмилалии морхӯр эълон гардид, дар шакли видеоӣ намоиш дода шуд.
Дар фарҷоми чорабинӣ таъкид гардид, ки Конфронси нуҳуми ҷаҳонӣ оид ба ҳайвоноти сумдори кӯҳӣ аз 12 то 15 октябри соли 2024 дар Душанбе баргузор мешавад.
АКС: Сафорати Ҷумҳурии Тоҷикистон дар Ҷумҳурии Исломии Покистон
Дар Анқара масъалаи баргузории чорабиниҳои фарҳангию илмӣ барои соли 2026 дар Тоҷикистон ва Туркия баррасӣ гардид
Шараф Шерализода бо Роҳбари Дафтари Федералӣ оид ба кишоварзӣ мулоқот намуд
Сафири Тоҷикистон бо Мудири кулли идораи амвол ва биноҳои Вазорати корҳои хориҷии Эрон мулоқот намуд
Сафири Тоҷикистон дар мулоқоти Сергей Лавров бо раисони кумитаҳои парламентҳои давлатҳои аъзои СААД иштирок намуд
Президенти Ҷумҳурии Қирғизистон Садир Жапаров бо Сарвазири Ҷумҳурии Тоҷикистон Қоҳир Расулзода мулоқот намуд
Ширкати австриягии «Andritz Hydro GmbH» барои густариши ҳамкорӣ бо Тоҷикистон изҳори омодагӣ кард
Дар Душанбе дурнамои рушди муносибатҳо байни Тоҷикистону Қазоқистон баррасӣ гардид
Сафири Тоҷикистон бо Вазири корҳои дохилии Ҷумҳурии Австрия мулоқот намуд
Дар Берлин имконоти ҳамкории иқтисодии Олмон бо кишварҳои Осиёи Марказӣ баррасӣ шуд
Дар Берлин нахустин нишасти вазирони корҳои хориҷии кишварҳои Осиёи Марказӣ ва Олмон дар қолаби «С5+1» доир гардид
Олимон ва муҳаққиқони тоҷик дар Намоишгоҳи байналмилалии ихтироъкорӣ дар Кувайт соҳиби 10 медал шуданд
Сироҷиддин Муҳриддин ва Йоҳанн Вадефул ҳамкории дуҷониба байни Тоҷикистону Олмонро баррасӣ намуданд
