Дар ноҳияи Ҷайҳун 4967 гектар пунбадона бо усули муосир кишт карда шуд
ДУШАНБЕ, 17.05.2024 /АМИТ «Ховар»/. Имсол дар Ҷамъияти дорои масъулияти маҳдуди Иттиҳоди аграрии «Водии Заррин»-и ноҳияи Ҷайҳун дар 4967 гектар кишти пунбадона бо усули муосири обёрии қатрагӣ ва зерипленкавӣ гузаронида шуд. Дар ин хусус ба АМИТ «Ховар» дар хадамоти матбуоти Раиси вилояти Хатлон хабар доданд.
16 май Раиси вилояти Хатлон Давлаталӣ Саид бо нашъунамои зироати пахта дар ин ҷамъият, воқеъ дар деҳаи Сари пули Ҷамоати деҳоти «Панҷ»-и ноҳияи Ҷайҳун шинос гардид.
Ҷамъияти дорои масъулияти маҳдуди Иттиҳоди аграрии «Водии Заррин» фаъолияташро соли 2013 оғоз намуда, дар айни замон дар вилоят ба азимтарин субъекти истеҳсолӣ дар соҳаи парвариш ва коркарди маҳсулоти кишоварзӣ, бахусус пахта, шолӣ ва гандум мубаддал гардидааст.
Иттилоъ дода шуд, ки дар солҳои фаъолият ва дар натиҷаи амалӣ гардонидани маҷмуи корҳо марбут ба бунёди иншооти гидротехникӣ, ҳамворкунии мелиоративӣ ва коркарди асосии заминҳо, сохтмони инфрасохтори роҳ ва барқтаъминкунӣ, инчунин иҷрои корҳои пайвастаи агротехникӣ ба ҷамъият муяссар гардид, ки 5706,91 гектар заминҳои бекорхобидаи ноҳияи Ҷайҳунро обёрӣ намуда, дар онҳо кишти асосӣ ва такрории зироати гуногунро гузаронад.
Ба гуфти масъулини ҷамъият, қубурҳои пластикӣ барои ҷорӣ намудани усули қатрагии обёрӣ низ дар корхонаи ин ҷамъият аз ҳисоби ворид намудани ашёи баландсифати хориҷӣ ва ҳамзамон коркарди дубораи қубурҳои дар мавсими кишоварзӣ истифодашуда истеҳсол карда мешаванд.
Аз тарафи ҷамъият соли 2023 корҳои беҳдошти замин дар масоҳати 1000 гектар замини бекорхобидаи ноҳияи Ҷайҳун оғоз гардида, ҳоло ин корҳо бомаром идома доранд. Аз ин ҳисоб дар масоҳати 400 гектар аллакай корҳои ҳамворкунии талу теппаҳо ва дар онҳо насб намудани қубурҳои обгузар ба анҷом расонида шудаанд.
Дар назар аст, ки дар мавсими кишти баҳории соли 2025 заминҳои нав дар масоҳати 1000 гектар бо усули қатрагӣ обёрӣ гардида, ба гардиши кишоварзӣ дароварда шаванд.
АКС: Хадамоти матбуоти Раиси вилояти Хатлон
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
