Дар ноҳияи Восеъ 42 коргоҳу корхона маҳсулоти саноатӣ истеҳсол менамоянд
ВОСЕЪ, 04.05.2024. /АМИТ «Ховар»/. Дар ноҳияи Восеъ 42 коргоҳу корхонаи саноатӣ фаъолият менамоянд, ки қисми зиёдашон мавсимӣ буда, ба истеҳсоли ашёи хоми маҳаллӣ машғул ҳастанд.
Тавре муовини Раиси ноҳияи Восеъ оид ба иқтисодиёт Сабур Султонзода ба АМИТ «Ховар» иттилоъ дод, дар семоҳаи аввали соли 2024 дар ноҳияи Восеъ ҳаҷми истеҳсоли маҳсулоти саноатӣ ба 24 миллиону 984 ҳазор сомонӣ расонида шуд. Ин нисбат ба ҳамин давраи соли 2023 4,5 миллион сомонӣ зиёд буда, 121 фоизи нақшаро ташкил медиҳад.
Сабур Султонзода гуфт, ки бо мақсади рушди соҳаи саноат ва таъсис додани ҷойҳои нави кор аз ҷониби Мақомоти иҷроияи ҳокимияти давлатии ноҳияи Восеъ корҳои назаррас анҷом дода шуданд. Дар ин давра аз ҷониби соҳибкорони маҳаллӣ 2 коргоҳи саноатӣ- яке коргоҳи хишти сементӣ бо 7 ҷойи кор ва дигар- коргоҳи истеҳсоли мебел бо 4 ҷойи нави кор ба истифода дода шуд.
Бо ҷалби соҳибкорони Чин дар Ҷамоати деҳоти Тугараки ноҳия корхонаи хишти пухта сохта шудааст, ки рӯзҳои наздик ба фаъолият шуруъ менамояд. Дар он 100 сокини маҳаллӣ бо ҷойи кор ва маоши хуб таъмин мегарданд.
Гуфта шуд, ки яке аз корхонаҳои фаъоли ноҳия Ҷамъияти саҳомии кушодаи «Хоҷамуъмин» мебошад. Дар корхона истеҳсоли маҳсулоти хокаи ҷомашӯйӣ ва намаки йодкардашудаи аз ҷиҳати экологӣ тоза ба роҳ монда шудааст. Дар он зиёда аз 15 номгӯй маҳсулоти ҷомашӯӣ истеҳсол мешавад.
Изҳор гардид, ки маҳсулоти истеҳсоли ин корхона дар тамоми нуқтаҳои савдо ва бозору марказҳои хизматрасонии шаҳру ноҳияҳои ҷумҳурӣ харидор дорад. Корхона дар ин давра ба маблағи беш аз 603 ҳазор сомонӣ маҳсулот истеҳсол намуда, дар он зиёда аз 40 сокини маҳаллӣ фаъолият менамоянд.
Дар баробари дигар коргоҳу корхонаҳои саноатӣ дар ноҳияи Восеъ дар айни замон даҳҳо коргоҳҳои хурд, аз ҷумла коргоҳи истеҳсоли мебел амал менамоянд.
АКС: АМИТ «Ховар»
Дар Сингапур имконияти ҳамкории дуҷониба бо Тоҷикистон баррасӣ шуд
Дар вилояти Хатлон аз ҷониби Ширкати «Алмос-Неру» корхонаи коркарди мева бунёд мегардад
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
Сарвари давлат Эмомалӣ Раҳмон дар шаҳри Бӯстон корхонаи истеҳсоли пойафзолро ифтитоҳ намуданд
Президенти Тоҷикистон Эмомалӣ Раҳмон дар шаҳри Истаравшан марҳилаи дуюми коргоҳи истеҳсоли дучарха ва бозичаҳои гуногуни ҶДММ «Адл»-ро ифтитоҳ намуданд
Сарвари давлат Эмомалӣ Раҳмон дар шаҳри Истаравшан корхонаи истеҳсоли ҷиҳози кӯдаконаи ҶДММ «Адл»-ро ифтитоҳ намуданд
Пешвои миллат Эмомалӣ Раҳмон дар шаҳри Истаравшан корхонаи «Сино медикал»-ро ба истифода доданд
Президенти Тоҷикистон Эмомалӣ Раҳмон ба фаъолияти корхонаи истеҳсоли сутунпояҳои барқӣ ва таъмиру навсозии истгоҳҳои барқии ҶДММ «Истаравшан Энерго» оғоз бахшиданд
Сарвари давлат Эмомалӣ Раҳмон дар шаҳри Истаравшан корхонаи истеҳсоли антифризи ҶДММ «Кули Сарез»-ро мавриди истифода қарор доданд
