Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
ДУШАНБЕ, 17.05.2024 /АМИТ «Ховар»/. Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид, хабар медиҳад АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Қазоқистон.
Дар вохӯрӣ ҳайати Тоҷикистон таҳти роҳбарии котиби Шурои амнияти Ҷумҳурии Тоҷикистон Насрулло Маҳмудзода, инчунин ҳайатҳои Қазоқистон, Қирғизистон, Узбекистон ва Туркманистон иштирок намуданд.
Қабл аз оғози вохӯрӣ Президенти Ҷумҳурии Қазоқистон Қосим -Жомарт Токаев котибони шуроҳои амнияти минтақаро ба ҳузур пазируфт.
Котибони шуроҳои амнияти давлатҳои Осиёи Марказӣ масъалаҳои марбут ба амнияти обию энергетикӣ, бехатарии озуқаворӣ, амнияти нақлиётӣ ва рушди инфрасохтори нақлиётию логистикиро баррасӣ намуданд.
Роҳбарони ҳайатҳо доир ба масъалаҳои рӯзнома изҳори назар намуда, ҳамкории дастҷамъона ва андешидани тадбирҳои муштаракро барои ҳалли онҳо ва ба ин васила такон бахшидан ба рушди иқтисодиёти минтақа, ҳалли масъалаҳои иҷтимоӣ, таъмини амнияту суботи давлатҳои Осиёи Марказӣ муҳим арзёбӣ намуданд.
Котиби Шурои амнияти Ҷумҳурии Тоҷикистон Насрулло Маҳмудзода мавқеъ ва манфиатҳои ҷумҳуриро баён намуда, барои ҳалли масъалаҳои матраҳгардида таклифҳо пешниҳод намуд.
Аз натиҷаи вохӯрии нахустини котибони шуроҳои амнияти давлатҳои Осиёи Марказӣ протокол ба тасвиб расид.
Мулоқоти котибони шуроҳои амнияти давлатҳои Осиёи Марказӣ бо иқдоми Президенти Ҷумҳурии Қазоқистон, ки моҳи сентябри соли 2023 дар вохӯрии машваратии сарони давлатҳои Осиёи Марказӣ дар шаҳри Душанбе садо дода буд, баргузор гардид.
АКС: Сафорати Ҷумҳурии Тоҷикистон дар Ҷумҳурии Қазоқистон
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
