Шурои ҳукуматӣ оид ба рушди кинематографияи миллӣ баргузор шуд
ДУШАНБЕ, 31.05.2024 /АМИТ «Ховар»/. Кино ба ҳайси санъати нодир дар ташаккули худшиносии миллӣ ва таҳкими ҳамкорию равобити судманд байни халқу миллатҳо нақши арзанда дорад. Ин матлабро муовини Сарвазири Ҷумҳурии Тоҷикистон, Раиси Шурои ҳукуматӣ оид ба рушди кинематографияи миллӣ Дилрабо Мансурӣ 30 май зимни баргузории Шурои ҳукуматӣ оид ба рушди кинематографияи миллӣ дар Муассисаи давлатии «Тоҷикфилм» баён намуд. Дар ин хусус ба АМИТ «Ховар» дар Муассисаи давлатии «Тоҷикфилм» иттилоъ доданд.
Дар Шуро иштирокдорон доир ба фаъолияти Иттифоқи синамогарони Тоҷикистон дар солҳои 2022-2023, пешниҳоди Шурои бадеии Муассисаи давлатии «Тоҷикфилм» оид ба баргузории Синамоҷоизаи миллии «Тоҷи Сомон», ҷараёни таҳияи филми муштараки Тоҷикистон ва Узбекистон «Дурахши ахтарон: Ҷомӣ ва Навоӣ» ва ҷараёни иҷрои дастури Президенти Ҷумҳурии Тоҷикистон муҳтарам Эмомалӣ Раҳмон оид ба таъсиси коргоҳи ҳунарпешагӣ дар Донишкадаи давлатии умумирусиягии кинематографияи (ВГИК) ба номи С.А.Герасимови Федератсияи Русия мубодилаи афкор намуданд.
Гуфта шуд, ки Иттифоқи синамогарони Тоҷикистон масъули даъвати Комиссияи пешниҳоди асарҳои синамоии Тоҷикистон ба пурнуфузтарин Ҷоизаи байналмилалии Оскар (ИМА) ва APSA- Ҷоизаи осиёии синамо дар Австралия мебошад.
АКС: Муассисаи давлатии «Тоҷикфилм»
Оид ба рушди соҳаи телевизион ва радио байни Тоҷикистон ва Чин Ёддошти тафоҳум оид ба ҳамкорӣ ба имзо расид
Дар Қирғизистон Рӯзҳои кинои Тоҷикистон баргузор мешаванд
Рӯзҳои фарҳанги Тоҷикистон дар Қирғизистон баргузор мегарданд
Иштирокчиёни Симпозиуми байналмилалии Хутали қадим бо мавзеъҳои таърихии ноҳияи Ховалинг шинос шуданд
Иштирокчиёни Симпозиуми байналмилалии Хутали қадим бо ҳафриёти бостоншиносӣ дар шаҳристони Ҳулбук шинос мешаванд
ИМРӮЗ — РӮЗИ ШАШМАҚОМ. Дар Суғд таҳти унвони «Ушшоқи Раҳмонӣ» фестивал–озмуни байналмилалӣ доир шуд
Имрӯз дар Бохтар Симпозиуми байналмилалии «Хутали қадим — пойгоҳи зуҳури забони тоҷикӣ-форсӣ ва тамаддуни бостонии Осиёи Марказӣ» оғоз мегардад
«Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
