Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
ДУШАНБЕ, 07.05.2024 /АМИТ «Ховар»/. 6 майи соли 2024 дар шаҳри Фарғонаи Ҷумҳурии Узбекистон мулоқоти муовини Раиси Девони вазирон — Раиси Кумитаи давлатии амнияти миллии Ҷумҳурии Қирғизистон Қамчибек Ташиев, Раиси Кумитаи давлатии амнияти миллии Ҷумҳурии Тоҷикистон Саймумин Ятимов ва Раиси Хадамоти амнияти давлатии Ҷумҳурии Узбекистон Абдусалом Азизов баргузор гардид. Дар ин хусус АМИТ «Ховар» бо истинод ба Кумитаи давлатии амнияти миллии Ҷумҳурии Тоҷикистон иттилоъ медиҳад.
Дар ҷараёни гуфтушунидҳо ҷонибҳо ба таври васеъ ва боэътимод тамоми маҷмуи масъалаҳои марбут ба таъмини амнияти минтақавиро муфассал муҳокима намуданд. Оид ба ҳолат ва дурнамои ҳамкорӣ дар самтҳои муҳим, аз ҷумла мубориза бо терроризм, экстремизм, қочоқи маводи мухаддир, муҳоҷирати ғайриқонунӣ, қочоқ, дигар таҳдидҳо ва чолишҳои дорои хусусияти фаромарзӣ табодули афкор анҷом дода шуд. Масъалаҳои ҳамкории наздисарҳадӣ ва дар маҷмуъ фароҳам овардани шароити мусоид барои рушди муносибатҳои неки ҳамҷаворӣ байни давлатҳо баррасӣ гардиданд.
Зимни мулоқот бандҳои рӯзномаи муайян кардани хати сарҳади давлатӣ (делимитатсия) байни Ҷумҳурии Қирғизистон ва Ҷумҳурии Тоҷикистон, инчунин масъалаҳои аломатгузории сарҳад байни Ҷумҳурии Узбекистон ва Ҷумҳурии Қирғизистон ба таври самарабахш баррасӣ шуданд.
Ҳамчунин иштирокчиёни вохӯрӣ оид ба суръат бахшидан ба равандҳои делимитатсияи хати марзҳои давлатии Қирғизистон ва Тоҷикистон ва Узбекистону Қирғизистон ба мувофиқа расиданд ва барои ҳалли ин масъалаҳо дар асоси манфиатҳои тарафайн тадбирҳои амалиро муайян намуданд.
Дар натиҷаи музокирот ба аъзои Комиссияи байниҳукуматии Қирғизистон ва Тоҷикистон барои ҳамоҳангсозии қитъаҳои боқимондаи сарҳад ва ҳамчунин омода ва ба имзо расонидани созишномаи дахлдори дуҷониба супоришҳои мушаххас дода шуданд.
АКС: АМИТ «Ховар»
Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд
Дар Гулистон Слёти III байнидавлатии нозирони навраси ҳаракати давлатҳои аъзои ИДМ доир мешавад
Котиби Шурои амнияти Ҷумҳурии Тоҷикистон бо Сафири Ҷумҳурии Исломии Покистон мулоқот намуд
Дар Панҷакент 24 кг маводи мухаддир мусодира карда шуд
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
