Директори минтақавии ICAO зимни нахустин сафар ба Тоҷикистон бо фаъолияти «Тоҷикаэронавигатсия» шинос шуд
ДУШАНБЕ, 21.05.2024 /АМИТ «Ховар»/. Ифтитоҳи хати нави ҳавоӣ байни Ҷумҳурии Тоҷикистон ва Ҷумҳурии Мардумии Чин «ПОМИР-АГВУТ» яке аз дастовардҳои беҳтарин ва назррраси Корхонаи воҳиди давлатии /КВД/ «Тоҷикаэронавигатсия» маҳсуб мешавад. Чунин иброз намуд Директори минтақавии Аврупо ва Атлантикаи Шимолии Ташкилоти байналмилалии авиатсияи гражданӣ (ICAO) Николас Ралло дар мулоқот бо директори генералии «Тоҷикаэронавигатсия» Лоиқ Бегиҷонзода дар Душанбе. Дар ин хусус АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад.
Мусоҳибон дар ҷараёни мулоқот масъалаҳои муҳими марбут ба таҳкими ҳамкориро байни Корхонаи воҳиди давлатии «Тоҷикаэронавигатсия» ва ICAO баррасӣ намуданд.
Лоиқ Бегиҷонзода сафари Николас Ралло ба Тоҷикистон ва саҳми ICAО-ро дар татбиқи лоиҳаҳое, ки ба баланд бардоштани бехатарии парвозҳо ва вусъати самаранокии истифодаи фазои ҳавоии Тоҷикистон нигаронида шудаанд, муҳим арзёбӣ намуд.
Директори минтақавии Аврупо ва Атлантикаи Шимолии ICAО Николас Ралло дар доираи нахустин сафар ба Тоҷикистон бо масъулини мақомоти авиатсионии мамлакат мулоқот намуда, бо раёсату шуъбаҳои истеҳсолии «Тоҷикаэронавигатсия» шинос шуд.
Вай доир ба саъю талоши кормандони «Тоҷикаэронавигатсия» дар рушди аэронавигатсияи Тоҷикистон, бехатарии парвозҳо дар минтақа, аз ҷумла ба фаъолияти густурдаи корхона, таъмини он бо техника ва технологияҳои муосир ва ҷавобгӯ ба шароити кунунӣ баҳои баланд дода, барои рушди соҳаи аэронавигатсия маслиҳатҳои муфид манзур намуд.
АКС: КВД «Тоҷикаэронавигатсия»
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
