Интиқоли ғайриқонунии беш аз 4 тонна гӯшти мурғ пешгирӣ карда шуд
ДУШАНБЕ, 02.05.2024 /АМИТ «Ховар»/. Мақомоти гумруки Тоҷикистон аз пешгирии қочоқи беш аз 4 тонна гӯшти мурғи пастсифат дар вилояти Суғд иттилоъ медиҳад.
Тавре дар Хадамоти гумруки Тоҷикистон ба АМИТ «Ховар» иттилоъ доданд, ҳангоми гузаронидани чорабиниҳои фаврӣ-ҷустуҷӯӣ дар шоҳроҳи Чанок-Душанбе воситаи нақлиёти боркаши тамғаи «Мерседес Бенc 906КА», таҳти идораи ронанда, шаҳрванд А.И бо гумони интиқоли ғайриқонунии молу маҳсулоти пастсифат боздошт гардид.
Ҳангоми азназаргузаронӣ муайян карда шуд, ки дар дохили бордони воситаи нақлиёт маҳсулоти ғалладонагии навъи «сабус» бо вазни 1 460 кг гузошта шудааст.
Зимни тафтиш ва мушоҳида дар зери халтаҳои «сабус» тариқи пинҳонкорона 269 қуттӣ гӯшти мурғи истеҳсоли Русия бо вазни 3443 кг ва 46 бастаи полиэтилении гӯшти яхкардашудаи қиммаи мурғи истеҳсоли Беларус бо вазни 690 килограмм, ки дар маҷмуъ 4 тоннаю 187 килограммро ташкил медиҳанд, пайдо гардид.
Санҷиши пешакӣ муайян намуд, ки ин мол ба шаҳрванд М.И., зода ва истиқоматкунандаи вилояти Суғд тааллуқ дошта, доир ба моли ошкоргардида номбурда ягон ҳуҷҷати тасдиқкунандаи воридотӣ надошта, маҳсулот ба ҳудуди мамлакат ғайриқонунӣ ворид шудааст.
Вобаста ба ин ҳолат аз тарафи Шуъбаи мубориза бар зидди ҳуқуқвайронкуниҳои гумрукии Раёсати минтақавии гумрукӣ дар вилояти Суғд санҷиши пешакӣ идома дорад.
АКС: Хадамоти гумруки назди Ҳукумати Ҷумҳурии Тоҷикистон
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
Бахшида ба 31-солагии таъсиси Ҳизби Халқии Демократии Тоҷикистон ҳамоиш баргузор шуд
Дар Тоҷикистон ҳавои моҳи якуми зимистон 1-2 дараҷа гарм пешгӯӣ карда мешавад
