Кормандони Саридораи ҳифзи сирри давлатӣ бо медалҳои ҷашнӣ сарфароз шуданд
ДУШАНБЕ, 07.05.2024. /АМИТ «Ховар»/. Ба ифтихори Рӯзи кормандони соҳаи ҳифзи сирри давлатӣ як зумра кормандони Саридораи ҳифзи сирри давлатии назди Ҳукумати Ҷумҳурии Тоҷикистон бо медалҳои ҷашнӣ, нишони сарисинагӣ, ифтихорномаву сипоснома ва дигар мукофотҳои соҳавии Вазорати корҳои дохилии Ҷумҳурии Тоҷикистон, Вазорати мудофиаи Ҷумҳурии Тоҷикистон, Қӯшунҳои сарҳадии Кумитаи давлатии амнияти миллӣ, Гвардияи миллӣ ва дигар вазорату идораҳои ҳамкор қадрдонӣ шуданд. Дар ин хусус ба АМИТ «Ховар» дар Саридораи ҳифзи сирри давлатии назди Ҳукумати Ҷумҳурии Тоҷикистон хабар доданд.
Сардори Саридора иброз дошт, ки дар асоси Қонуни Ҷумҳурии Тоҷикистон «Дар бораи ворид намудани илова ба Қонуни Ҷумҳурии Тоҷикистон «Дар бораи рӯзҳои ид» 6 май Рӯзи кормандони соҳаи ҳифзи сирри давлатӣ муқаррар гардид.
Таъкид шуд, ки бо муқаррар гардидани 6 май — Рӯзи кормандони соҳаи ҳифзи сирри давлатӣ дар Ҷумҳурии Тоҷикистон даҳҳо ҳазор кормандони соҳаҳои касбу кори гуногун, ки бевосита бо маълумоти дорои сирри давлатӣ фаъолият менамоянд, рӯзи касбиашонро ид менамоянд. Зимни он ҳамасола масъалаҳои мубрами соҳаи ҳифзи сирри давлатӣ ва ҳифзи техникии иттилоот дар мақомоти давлатӣ ва ташкилот баррасӣ ва ҳал карда мешаванд.
Гуфта шуд, ки Саридораи ҳифзи сирри давлатӣ бо тамоми вазорату идораҳои мамлакат ҳамкории мутақобилан судмандро амалӣ намуда, пайваста барои тақвияти соҳа дар ҳамгироӣ бо мақомоти давлатӣ ва ташкилот чораҷӯӣ менамояд.
АКС: Саридораи ҳифзи сирри давлатии назди Ҳукумати Ҷумҳурии Тоҷикистон
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
