МЕТРО ДАР ДУШАНБЕ. Ҳайатҳои Тоҷикистон ва Кореяи Ҷанубӣ натиҷаи омӯзиши имконоти марҳилаи аввали сохтмони метроро баррасӣ намуданд
ДУШАНБЕ, 27.05.2024 /АМИТ «Ховар»/. Масъалаҳои марбут ба натиҷаҳои омӯзиши имконияти марҳилаи аввали сохтмони метро дар шаҳри Душанбе дар мулоқоти ҳайатҳои мутахассисони Тоҷикистон ва Кореяи Ҷанубӣ дар Душанбе баррасӣ гардид, хабар медиҳад АМИТ «Ховар» бо истинод ба Вазорати нақлиёти Тоҷикистон.
Намояндагони корпоратсияи «Роҳи оҳани миллии Корея», ки дар сохтмони метро таҷрибаи зиёд доранд, гуфтанд, ки Душанбе бо аҳолии беш аз 1,2 миллион нафар ба бунёди чунин роҳҳои мувофиқ ниёз дорад. Онҳо пешниҳод намуданд, ки метро бо истифода аз низоми метрои баландсуръат (Light Rail Transit) сохта шавад.
Ҳамзамон ҷонибҳо оид ба идомаи марҳилаи навбатии лоиҳаи сохтмони метро дар шаҳри Душанбе ибрози назар намуданд.
Ёдовар мешавем, ки 14 марти соли 2022 байни Вазорати нақлиёти Ҷумҳурии Тоҷикистон ва корпоратсияи «Роҳи оҳани миллии Корея» (Korean National Railway е Korea Railroad Corporation) дар шакли маҷозӣ Ёддошти тафоҳум оид ба омӯзиши имконияти сохтмони роҳи метро дар шаҳри Душанбе ба имзо расид, ки зери ин санад Вазири нақлиёти Тоҷикистон Азим Иброҳим ва раиси корпоратсияи «Роҳи оҳани миллии Корея» Ким Хангёнг имзо гузошта буданд.
Дар асоси ин санад мутахассисони Тоҷикистон ва Кореяи Ҷанубӣ давоми 11 моҳ ҷанбаҳои ташкилию ҳуқуқии сохтмони метро дар шаҳри Душанберо таҳлил ва таҳқиқ намуданд.
22 августи соли 2023 Вазорати нақлиёти Тоҷикистон ва Бонки содиротию воридотии Кореяи Ҷанубӣ, ки бо номи «Эксимбонк»-и Кореяи Ҷанубӣ низ маъруф аст, барои маблағгузории омӯзиши пешакӣ ва асосноккунии техникию иқтисодии сохтмони метрополитен дар Душанбе Ёддошти тафоҳум ба тасвиб расониданд. Санадро Вазири нақлиёти Тоҷикистон Азим Иброҳим ва намояндаи «Эксимбонк»-и Кореяи Ҷанубӣ Квон Биеонг-Юн имзо карданд.
Бонки Кореяи Ҷанубӣ барои гузаронидани корҳои пешакӣ 200 ҳазор доллари амрикоӣ пешниҳод мекунад. Намояндагони бонк розӣ шуданд, ки инчунин таҳияи муфассали лоиҳаро низ маблағгузорӣ намоянд.
Қаблан барои муҳокимаи саривақтии масъалаҳои сохтмони метро ҷонибҳо аз ҳисоби намояндагони Вазорати нақлиёти Тоҷикистон, Мақомоти иҷроияи ҳокимияти давлатии шаҳри Душанбе ва корпоратсияи «Роҳи оҳани миллии Корея» гурӯҳи кории доимӣ таъсис доданд, ки дар доираи он 17 вохӯрӣ баргузор гардид.
АКС: Вазорати нақлиёти Тоҷикистон
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
