Муассисаҳои тиббии Тоҷикистон соҳиби дастгоҳҳои муосир гардиданд
ДУШАНБЕ, 02.05.2024 /АМИТ «Ховар»/. Маркази миллии тиббии Тоҷикистон «Шифобахш» ва Маркази ҷумҳуриявии илмии ҷарроҳии дилу рагҳо соҳиби таҷҳизоти тиббии муосир гардиданд, ки ба мутахассисони соҳа имконият медиҳад, то хизматрасониро ба аҳолии мамлакат сари вақт, бо сифати баланд ва самаранок анҷом диҳанд. Дар хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии мамлакат иттилоъ доданд.
Таҷҳизоти муосири тиббӣ аз томографияи компютерӣ, УЗИ, рентгени рақамӣ, автоклав, лапароскоп, эндоскоп, таҷҳизоти лабораторӣ, таҷҳизот барои топанатония, ИВЛ, таҷҳизоти лор, таҷҳизот барои ҳуҷраи ҷарроҳӣ ва ғайра иборат мебошанд. Инчунин ба Маркази ҷумҳуриявии илмии ҷарроҳии дилу рагҳо дастгоҳи нодири ангиограф дастрас карда шуд.
Тавре мутахассисони ин марказ иттилоъ доданд, коркарди дастгоҳи ангиограф нисбат ба дастгоҳҳои қаблӣ, ки дар бахши ҷарроҳии дилу рагҳо истифода мешаванд, хеле осон мебошад.
Ин дастгоҳ тавассути таҷҳизоти махсус беморро бо сифати баланд ба навор мегирад, ки ин омил барои боз ҳам беҳтар анҷом додани амалиёти ҷарроҳӣ ба табибон кумак менамояд.
Иттилоъ дода шуд, ки таҷҳизоти тиббӣ дар доираи лоиҳаи «Беҳтар намудани таҷҳизоти тиббӣ барои муассисаҳои тандурустии Маркази миллии тиббии Тоҷикистон «Шифобахш» ва Маркази ҷумҳуриявии илмии ҷарроҳии дилу рагҳо бо дастгирии Агентии Ҷопон оид ба ҳамкории байналмилалӣ (JICA) ба ин муассисаҳо дастрас гардиданд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
4 монографияи муштараки олимони Тоҷикистон ва Чин муаррифӣ гардид
МАСЛИҲАТИ МУТАХАССИС. Консерваҳои сарпӯшашон дамида ва зангзадаро набояд истеъмол кард
Ба ифтихори Рӯзи Президенти Ҷумҳурии Тоҷикистон дар Агентии авиатсияи гражданӣ ҳамоиши тантанавӣ баргузор гардид
Дар Бразилия таҷрибаи Тоҷикистон дар самти мониторинг ва пешгӯии офатҳои табиӣ муариифӣ гардид
Дилноза Аҳмадзода: «Сармоягузории давлат ба рушди зеҳнии кӯдакон ва наврасон ин сармоягузорӣ ба ояндаи миллат мебошад»
ПРЕЗИДЕНТ- КАФИЛИ ҲАСТИИ ДАВЛАТУ МИЛЛАТ. Дар Кумитаи хоҷагии манзилию коммуналӣ ҳамоиш баргузор гардид
ПРЕЗИДЕНТИ МАН – ИФТИХОРИ МАН. Таҳти ин унвон аксияи ҷумҳуриявӣ идома дорад
«ПРЕЗИДЕНТ-КАФИЛИ СУЛҲУ ВАҲДАТИ МИЛЛӢ». Дар Душанбе таҳти ин унвон конференсияи илмӣ доир шуд
ИМРӮЗ-РӮЗИ БАЙНАЛМИЛАЛИИ НОБИНОЁН. Ҳар инсон бояд соле на камтар аз ду маротиба аз назорати табиби чашм гузарад
Маликшо Неъматзода ва Евгений Примаков рушди ҳамкории дуҷонибаро баррасӣ намуданд
«ПРЕЗИДЕНТИ МО-ИФТИХОРИ МО». Таҳти ин унвон ҳамоиши сиёсӣ-фарҳангии аъзои ҳизби ноҳияи Фирдавсӣ доир шуд
Дар Тоҷикистон паёмрасони миллӣ- ORIZ ба фаъолият оғоз намуд
