Муовини Сарвазири Тоҷикистон бо фаъолияти кишоварзони Ҳисор баъди боронҳои пуршиддат шинос шуд
ДУШАНБЕ, 16.05.2024 /АМИТ Ховар»/. Муовини Сарвазири Ҷумҳурии Тоҷикистон Сулаймон Зиёзода дар шаҳри Ҳисор бо фаъолияти кишоварзон, ҳолати заминҳои кишт ва боғҳои шаҳр баъд аз боронҳои пуршиддат ва пай дар пайи рӯзҳои охир шинос шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд.
Ҳадафи сафари муовини Сарвазири мамлакат ба шаҳри Ҳисор шиносоӣ бо ҷараёни корҳои кишоварзӣ, омодагӣ ба ҷамъоварии ҳосили дар хоҷагиҳо парваришшуда ва иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба истифодаи самараноки замин, ба гардиши кишоварзӣ даровардани заминҳои бекорхобида, афзоиши содироти маҳсулот ва захираи зарурии маводи ғизоӣ арзёбӣ гардид.
Муовини Сарвазири мамлакат дар Ҷамоати деҳоти Деҳқонобод бо мавзеъҳое, ки дар онҳо манзили чанде аз сокинон зери об монда буд, инчунин ҷараёни корҳои тоза намудани сойе, ки бар асари бориш, обу лой аз соҳилҳояш баромада, ба мардум зарар расонидааст, шинос шуд.
Дар Ҷамоати деҳоти ба номи Мирзо Турсунзода муовини Сарвазири Тоҷикистон ба парвариши кирмак, кишти чигит ва ҳолати коркарди агротехникӣ, нигоҳубини боғи себ ва майдони сабзавот дар хоҷагиҳои ҷамъиятию деҳқонӣ таваҷҷуҳ намуда, оид ба нигоҳубини минбаъдаи онҳо ба деҳқонону боғпарварон маслиҳату тавсияҳои муфид дод.
Ҳамзамон муовини Сарвазири мамлакат дар хоҷагиҳои «50-солагии Октябр» ва ба номи Латиф Муродов бо майдони ғаллазор, гармхонаҳо, парвариши Картошка ва фаъолияти чорводорон дар ферма шинос шуд.
Муовини Сарвазири Тоҷикистон Сулаймон Зиёзода барои ислоҳи камбудиҳое, ки дар хоҷагиҳо ба мушоҳида расиданд, ба мутахассисони соҳаи кишоварзии шаҳр дастуру супоришҳои мушаххас дод.
АКС: Мақомоти иҷроияи ҳокимияти давлатии шаҳри Ҳисор
Дар ноҳияи Ашт беш аз 14 ҳазор тонна пахта ҷамъоварӣ карда мешавад
Дар «Роҳи оҳани Тоҷикистон» 34-солагии Истиқлоли давлатиро бо тантана таҷлил намуданд
Бахшида ба Истиқлоли давлатӣ кормандони Агентии назорати давлатии молиявӣ ва мубориза бо коррупсия бо рутбаҳои навбатӣ қадрдонӣ шуданд
Дар замони соҳибистиқлолии Тоҷикистон даромадҳои пулии аҳолӣ аз 1 миллиард то 147 миллиард сомонӣ зиёд гардид
Намояндаи Тоҷикистон дар Форуми нуҳуми зерминтақавӣ оид ба Ҳадафҳои рушди устувор иштирок намуд
Дурнамои тақвияти ҳамкории Тоҷикистон ва Арабистони Саудӣ дар соҳаи авиатсия баррасӣ гардид
Байни Тоҷикистон ва Чин Ёддошти тафоҳум оид ба ҳамкории оморӣ ба имзо расид
Дар Душанбе ҷаласаи 107-уми Шурои иқтисодии ИДМ баргузор гардид
Ҷаласаи 18-уми Комиссияи байниҳукуматии Тоҷикистону Беларус оид ба ҳамкории тиҷоратию иқдисодӣ баргузор мешавад
Тоҷикистон ва Чин ҳамкориро дар соҳаи рушди иқтисоди «сабз» ва камкарбон густариш медиҳанд
Имрӯз дар Душанбе ҷаласаи 107-уми Шурои иқтисодии Иттиҳоди Давлатҳои Мустақил доир мегардад
Татбиқи лоиҳаҳои давлатии сармоягузорӣ дар соҳаҳои иқтисодиёти Тоҷикистон бо Барномаи рушди СММ баррасӣ гардид
