Намояндагони Кумитаи рушди сайёҳии Тоҷикистон дар Гурҷистон сафарҳои омӯзишӣ ва табодули таҷриба барои кормандони соҳаро баррасӣ намуданд
ДУШАНБЕ, 27.05.2024 /АМИТ «Ховар»/. Дар доираи сафари тарғиботӣ оид ба имконияти сайёҳӣ ба Гурҷистон намояндагони Кумитаи рушди сайёҳии назди Ҳукумати Ҷумҳурии Тоҷикистон бо муовини якуми раиси Идораи миллии сайёҳии Гурҷистон Тамар Кориаулӣ мулоқот анҷом доданд. Дар ин хусус АМИТ «Ховар» бо истинод ба ин кумита хабар медиҳад.
Тамар Кориаулӣ аз ифтитоҳи хатсайри ҳавоии мустақим байни Душанбе ва Тифлис изҳори хурсандӣ намуда, ин хатсайрро оғози саҳифаи нав дар муносибатҳои ҳамкории мардумони Тоҷикистон ва Гурҷистон арзёбӣ намуд.
Зимнан, ҷониби Тоҷикистон оғози фаъолияти хатсайри ҷадидро барои таҳкими минбаъдаи рушди соҳаи сайёҳӣ дар Тоҷикистон муҳим арзёбӣ намуд.
Дар ҷараёни мулоқот масъалаҳои ташкили ҷавобии сафари тарғиботии намояндагони воситаҳои ахбори омма ва фаъолони шабакаҳои иҷтимоии Гурҷистон ба Ҷумҳурии Тоҷикистон, инчунин амалӣ намудани сафарҳои омӯзишӣ ва табодули таҷриба барои кормандони соҳаи сайёҳӣ ва субъектҳои хизматрасони соҳаи сайёҳии Тоҷикистон мавриди муҳокима қарор гирифтанд.
Мулоқот дар фазои ҳамдигарфаҳмӣ ва мутақобилан судманд доир гардид.
Ёдовар мешавем, ки ба муносибати ба фаъолият шуруъ намудани хатсайри мустақими Душанбе-Тифлис ҳайати намояндагони воситаҳои ахбори оммаи давлатӣ, блогерони маъруф ва фаъолони шабакаҳои иҷтимоии Тоҷикистон бо мақсади тарғиби имконоти сайёҳии Гурҷистон ба муддати ҳафт рӯз тариқи нахустин парвози мустақими ҳавоӣ ба Гурҷистон сафар намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе Фестивали байналмилалии «Наврӯз — мероси фарҳангию ҷаҳонгардӣ» баргузор гардид
Дар Чин имкониятҳои сайёҳии Тоҷикистон муаррифӣ мешаванд
«ЧИЛДУХТАРОН». Табиати нотакрор ва чашмаҳою гиёҳҳои шифобахши ин мавзеъ шуҳрати беандоза дорад
Донишгоҳи байналмилалии сайёҳӣ ва соҳибкории Тоҷикистон ҷиҳати иштирок дар рейтинги ҷаҳонии донишгоҳҳои «сабз» қадамҳои устувор мегузорад
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Дар Душанбе Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор шуд
Нахустин хатсайри мустақими ҳавоии Бишкек-Хуҷанд-Бишкек фаъол гардид
Имкониятҳои сайёҳии шаҳри Душанбе барои намояндагони соҳаи сайёҳӣ, ВАО ва блогерони ҷазираи Киши Эрон муаррифӣ карда шуданд
Донишҷӯёни муассисаҳои олӣ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
Тамошои дастҷамъонаи кормандони сохторҳои шаҳри Душанбе аз толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» идома дорад
Аъзою кормандони ҲХДТ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
