«САНОАТИКУНОНӢ ДАР МАСИРИ РУШД». Таҳти чунин унвон дар Суғд конфронси илмӣ-амалии ҷумҳуриявӣ баргузор шуд
ДУШАНБЕ, 29.05.2024. /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар вилояти Суғд бунёди беш аз 700 корхонаву коргоҳи нави саноатӣ бо зиёда аз 14 ҳазор ҷойи нави кор ба нақша гирифта шудааст. Ин матлаб 28 май зимни баргузории конфронси илмӣ — амалии ҷумҳуриявӣ дар мавзуи «Саноатикунонӣ дар масири рушд» бахшида ба 30-солагии Ҳизби Халқии Демократии Тоҷикистон дар шаҳри Хуҷанд баён гардид. Дар ин хусус ба АМИТ «Ховар» дар хадамоти матбуоти Раиси вилояти Суғд иттилоъ доданд.
Пеш аз оғози конфронс 35 корхонаи саноатии вилоят ва хоҷагиҳои ёрирасони Ҳизби Халқии Демократии Тоҷикистон маҳсулоташонро ба маърази тамошо гузоштанд.
Раиси вилояти Суғд Раҷаббой Аҳмадзода иброз намуд, ки тибқи нақша соли 2024 ба истифода додани 140 корхонаву коргоҳи нави саноатӣ бо 3000 ҷойи нави кор пешбинӣ гардидааст. Дар чор моҳи соли 2024 дар вилоят 53 корхонаву коргоҳи нав бо 377 ҷойи нави кор ба фаъолият шуруъ намуд. Корхонаҳо асосан дар соҳаҳои саноати сабук, кимиё, масолеҳи бинокорӣ ва хӯрокворӣ таъсис дода шуда, ба таъмини бозори дохилӣ бо маҳсулоти истеҳсоли ватанӣ ва воридотивазкунанда нигаронида шудаанд.
Гуфта шуд, ки дар давраи соҳибистиқлолии мамлакат ва дар натиҷаи амалисозии нақшаву барномаҳои рушди соҳаи саноат имкон фароҳам оварда шуд, ки дар ҷумҳурӣ беш аз 3 ҳазор корхонаи саноатӣ бо 54 ҳазор ҷойи кор ба истифода дода шавад.
Иштирокдорон иброз намуданд, ки рушди соҳаи саноат ба таъмин намудани устувории иқтисодиёт, ташкили ҷойҳои нави кори мавсимиву доимӣ, баланд бардоштани иқтидори содиротии мамлакат ва рақобатнокии он, ҳамзамон баланд гардидани сатҳи некӯаҳволии аҳолӣ асос мегузорад. Бо назардошти ин, саноатикунонии босуръат ва аз давлати аграрӣ – индустриалӣ ба мамлакати индустриалӣ – аграрӣ табдил додани Ҷумҳурии Тоҷикистон ба ҳайси ҳадафи чоруми миллӣ қабул гардидааст.
АКС: хадамоти матбуоти Раиси вилояти Суғд
Дар Тоҷикистон беш аз 19 ҳазор тонна гӯшти паранда истеҳсол гардидааст
Дар ноҳияи Ҷалолиддини Балхӣ пахтачинӣ оғоз ёфт
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
