СОЛИ МАЪРИФАТИ ҲУҚУҚӢ. Дар Донишгоҳи давлатии тиббии Хатлон ҳамоиш доир шуд
ДУШАНБЕ, 10.05.2024. /АМИТ «Ховар»/. Дар Донишгоҳи давлатии тиббии Хатлон бо ҷалби намояндагони мақомоти ҳифзи ҳуқуқ бахшида ба Соли маърифати ҳуқуқӣ эълон гардидани соли 2024 конфронси илмӣ-амалӣ доир гардид, хабар медиҳад АМИТ «Ховар» бо истинод ба ин донишгоҳ.
Гуфта шуд, ки барои устувории ваҳдати миллӣ дар ҷомеа ва давлат таҳкими ватандӯстии шаҳрвандон, ҳамчунин эҷоди фазои қонунмеҳвар ва рушди маърифати ҳуқуқӣ зарур аст. Маҳаки асосии маърифати ҳуқуқии ҳар миллат ва давлати соҳибистиқлолро, бешубҳа, конститутсия ташаккул медиҳад, ки он ба амалишавии ҳуқуқу озодиҳои инсон ва шаҳрванд кафолат медиҳад.
Зимни конфронси илмӣ-амалӣ прокурори ноҳияи Данғара Нодирҷон Қодирзода оид ба ҳуқуқу озодиҳои шаҳрвандон, пешгирии ҳуқуқвайронкуниҳо, баланд бардоштани маърифати ҳуқуқии тамоми қишрҳои ҷомеа, ҳуқуқ ба таҳсил, баланд бардоштани донишҳои ҳуқуқии донишҷӯён суҳбат намуда, саҳм гузоштани донишҷӯёнро дар баланд бардоштани хизматрасонии тиббӣ ба аҳолӣ дар доираи қонунҳои амалкунанда таъкид намуд.
Ба гуфтаи мавсуф, Конститусияи ҷумҳурии мо муайян намудааст, ки Тоҷикистон давлати ҳуқуқбунёд аст. «Раванди амалӣ гардидани сиёсати ҳуқуқии Тоҷикистони соҳибистиқлол бо шарофати сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бомаром рушд менамояд. Дар Ҷумҳурии Тоҷикистон тамоми заминаҳои ҳуқуқӣ барои кор, зиндагӣ ва фаолияти дигар субъектҳо ба таври зарурӣ фароҳам оварда шудаанд. Соли маърифати ҳуқуқӣ эълон шудани соли 2024 ҷанбаъҳои гуногуни мусбат дошта, он асосан барпо намудани муҳиту фазои ором ва осоиштаи ҳаёти ҷомеа, қабл аз ҳама, эҳтироми қонун, баланд бардоштани маърифати ҳуқуқӣ ва таъмини волоияти қонунро тақозо менамояд»,-афзуд ӯ.
Таъкид гардид, ки дар ҳолати пурра даст ёфтан ба баланд гардидани маърифати ҳуқуқии шаҳрвандон, аз ҷумла ҷавонону наврасон хатару таҳдидҳои замони муосир кам мегарданд. Зеро муҳит ва ҷомеаи соҳибмаърифату муҷаҳҳаз бо донишҳои ҳуқуқӣ ҳеҷ гоҳ ба дом ва фиреби гурӯҳҳои тундрав ва бадхоҳон намеафтад.
АКС: Донишгоҳи давлатии тиббии Хатлон
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
