«Тоҷикфилм» ва Синамогурӯҳи «Ғарб» Ёддошти тафоҳум ба имзо расониданд
ДУШАНБЕ, 18.05.2024. /АМИТ «Ховар»/. Дар кинотеатри ба номи Тоҳир Собиров ҳамоиш оид ба баимзорасонии Ёддошти тафоҳум дар бораи ҳамкории стратегӣ байни Муассисаи давлатии «Тоҷикфилм» ва Ҷамъияти дорои масъулияти маҳдуди Синамогурӯҳи «Ғарб»-и Ҷумҳурии Мардумии Чин баргузор гардид. Дар ин хусус АМИТ «Ховар» бо истинод ба Муассисаи давлатии «Тоҷикфилм» хабар медиҳад.
Ёддошти тафоҳум дар бораи ҳамкории стратегӣ байни Муассисаи давлатии «Тоҷикфилм» ва ҶДММ Синамогурӯҳи «Ғарб»-и Ҷумҳурии Мардумии Чинро аз ҷониби Тоҷикистон директори Муассисаи давлатии «Тоҷикфилм» ва аз ҷониби музофти Шэнсӣ муовини директори генералии ҶДММ Синамогурӯҳи «Ғарб»-и Ҷумҳурии Мардумии Чин ба имзо расониданд.
Ҳамзамон ҳайати музофоти Шэнсии Ҷумҳурии Мардумии Чин бо роҳбарияти муассиса мулоқот намуда, бо павилионҳо ва толорҳои Муассисаи давлатии «Тоҷикфилм» шинос шуд.
Зимни мулоқот таъкид гардид, ки дар маҷмуъ Муассисаи давлатии «Тоҷикфилм» бо 12 давлат қарордоди ҳамкорӣ дар соҳаи синамо ба имзо расонидааст.
Равобити эҷодӣ бо синамогарони кишварҳои хориҷи дуру наздик густариш меёбад.
Ҳадафи асосии тасвиби қарордодҳои ҳамкорӣ- тақвият ва рушди кинематография, оммавигардонӣ ва талқини маҳсулоти аудиовизуалӣ дар қаламрави давлатҳо, мусоидат барои ташкили раванди технологии истеҳсоли филмҳо, раванди наворбардорӣ, ҷалби мутахассисон барои лоиҳаҳои муштарак дар доираи рушди равобити байналмилалии фарҳангӣ, таблиғ ва паҳнкунии филмҳо, иштирок дар синамоҷашнвораҳо, кинофорумҳо ва бозорҳои синамоии байналмилалӣ, филмбардории муштарак ва табодули таҷриба мебошад.
Ёддошти тафоҳум бо мақсади рушди минбаъдаи ҳамкорӣ дар соҳаи синамо, таҳкими дӯстии Тоҷикистон ва Чин, назари ҷомеа ва асосҳои иҷтимоии муносибат байни ду давлат, таърихи дӯстии тоҷикону чиниҳо, ҳамзамон мусоидат барои ба роҳ мондани ҳамкории мутақобилан судманд байни Тоҷикистон ва Чин, ки барои дӯстии наслҳо самаровар мебошад, дар асоси ризояти тарафайн таҳия ва ба имзо расонида шуд.
Изҳори итминон карда шуд, ки минбаъд муносибатҳои шарикию дӯстона байни синамогарони Тоҷикистон ва Чин амалӣ шуда, ҳамкории судманд дар соҳаи синамо ва офаридани филмҳои муштарак ба роҳ монда мешавад.
АКС: Муассисаи давлатии «Тоҷикфилм»
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
