«ВОРИСОНИ ШАШМАҚОМ». Бахшида ба Рӯзи шашмақом китоби нав нашр гардид
ДУШАНБЕ, 09.05.2024 /АМИТ «Ховар»/. Дар арафаи Рӯзи Шашмақом, ки ҳамасола 12 май дар Тоҷикистон таҷлил мегардад, китоби «Ворисони Шашмақом»-и Ҳунарманди халқии Тоҷикистон ва роҳбари ансамбли давлатии «Шашмақом» ба номи Фазлиддин Шаҳобови Кумитаи телевизион ва радиои назди Ҳукумати Ҷумҳурии Тоҷикистон Фурқат Саидзода дар нашриёти «ЭР-граф» ба табъ расид.
Ин рисолаи илмию пажуҳишӣ зери назари доктори илмҳои санъатшиносӣ Аслиддин Низомов чоп шуда, муҳаррири масъули он Баҳриддин Мирзоев, муҳаррирон Маҳмадуллоҳ Табарӣ ва Шаҳобиддин Ҳақназар мебошанд.
Китоб аз 5 бахш ва аксҳои арбобони барҷастаи давлатӣ, навошиносони ҳавзаҳои мусиқии суннатӣ, устодони варзидаи Шашмақом, муҳаққиқони мусиқӣ ва ворисони шашмақом иборат аст.
Дар китоби «Ворисони Шашмақом далелҳои хеле муътамад дар бораи ҳаёту фаъолияти чеҳраҳои шинохта, устодони варзидаи санъат, саромадони ҳавзаҳои мусиқии суннатӣ, муҳаққиқони мусиқӣ, санъатшиносон ва ҳунармандон, ки дар рушди фарҳангу санъати халқи тоҷик, хусусан жанри шашмақом саҳми бориз гузоштаанд, гирд оварда шудаанд.
Бояд гуфт, ки Рӯзи шашмақом дар Тоҷикистон аз соли 2002 инҷониб таҷлил мегардад.
Дар иртибот ба таҷлили Рӯзи шашмақом аз 10 то 14 май дар Душанбе бо иштироки ҳайатҳои ҳунарӣ ва санъатшиносони Тоҷикистон, Озарбойҷон, Қазоқистон, Туркманистон, Узбекистон ва Эрон Фестивал-симпозиуми байналмилалии «Шашмақом» баргузор мешавад.
АКС аз манбаъҳои боз
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
