35-СОЛАГИИ ИСТИҚЛОЛИ ДАВЛАТӢ. Соҳили дарёи Сир дар Хуҷанд ба макони муосири истироҳатию варзишӣ тадбил дода мешавад
ДУШАНБЕ, 26.06.2024 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон соҳили дарёи Сир ба макони истироҳатӣ тадбил дода мешавад. Лоиҳаи навсозии шиногоҳ ва роҳраву истироҳатгоҳи шафати он таҳия гардида, муаррифӣ шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Бо дастгирии Мақомоти иҷроияи ҳокимияти давлатии вилояти Суғд ва ҷалби соҳибкорони маҳаллӣ ҳудуди шиногоҳ пурра навсозӣ гардида, ин мавзеъ ба минтақаи истироҳатии замонавӣ табдил дода мешавад.
Дар асоси лоиҳа, аз пули кӯҳнаи шаҳр то пули «Ҷашнӣ» ба дарозии 2 км ва паҳноии 8 метр роҳрав бунёд шуда, дар шиногоҳ ва роҳрав таҷҳизоти муосири варзишӣ барои обутоби бадан ва нишастгоҳҳо гузошта мешаванд.
Дар маҷмуъ, ин мавзеъ ба макони истироҳативу варзишӣ табдил ёфта, айни замон корҳои бартарафсозии иншооти ғайриқонунӣ ҷойгиршуда идома дорад.
Раиси вилояти Суғд Раҷаббой Аҳмадзода бо тарҳи ин лоиҳа шинос гардида, ба масъулин барои татбиқи лоиҳа ва бо сифати баланд иҷро намудани корҳо супоришҳои мушаххас дод.
Таъкид гардид, ки соҳили дарё ҳамеша макони дӯстдоштаи сокинон ба ҳисоб меравад ва бо назардошти ин бояд минтақаи истироҳатӣ ба талаботи рӯз ҷавобгӯ бошад.
АКС: Хадамоти матбуоти раиси вилояти Суғд
35-СОЛАГИИ ИСТИҚЛОЛИ ДАВЛАТӢ. Дар деҳоти Хуррамзамини ноҳияи Данғара муассисаи томактабӣ барои 300 кӯдак бунёд карда мешавад
Барои омӯзгорону донишҷӯёни Донишгоҳи давлатии Кӯлоб хобгоҳи 10-ошёна сохта мешавад
35 БАҲОРИ ИСТИҚЛОЛИ ВАТАН. Тафаккуру андеша ва пиндошту тасаввури миллии мо аз Истиқлолияти Тоҷикистон сарчашма мегирад
Дар ноҳияи Бобоҷон Ғафуров корхонаи нави истеҳсоли обҳои ташнагишикан бунёд карда мешавад
Дар Душанбе рӯзҳои фарҳанги шаҳри Бохтар, ноҳияҳои Ховалинг, Лахш, Сангвор, Рашт, Балҷувон ва Дарвоз баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар деҳаи Некноти шаҳри Панҷакент бинои нави муассисаи таълимӣ сохта мешавад
НИШАСТИ МАТБУОТӢ. Дар Шаҳринав 297 иншооти гуногун ба истифода дода шуд
НИШАСТИ МАТБУОТӢ. Бахшида ба 35-солагии Истиқлоли давлатӣ дар шаҳри Турсунзода 14 корхонаи саноатӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд бунёди муассисаҳои нави таълимӣ вусъат мегирад
Маҷлиси Ҳукумати Ҷумҳурии Тоҷикистон баргузор гардид
Дар Кумитаи бехатарии озуқаворӣ оид ба нақши ҷавонон дар таҳкими Истиқлоли давлатӣ ҳамоиш доир гардид
Оид ба омодасозии мутахассисони соҳаи кӯҳкорию металлургия форуми ҷумҳуриявӣ баргузор гардид
