Дар Бохтар амалишавии «Барномаи рушди иҷтимоию иқтисодии вилояти Хатлон барои солҳои 2021-2025» баррасӣ шуд
ДУШАНБЕ, 25.06.2024 /АМИТ «Ховар»/. 24 июн дар шаҳри Бохтар иҷлосияи бистуми Маҷлиси вакилони халқи вилояти Хатлон, даъвати шашум баргузор гардид, ки дар он «Барномаи рушди иҷтимоию иқтисодии вилояти Хатлон барои солҳои 2021-2025» дар шаҳру ноҳияҳои вилоят» ва «Барномаи давлатии рушди муассисаҳои фарҳанги Ҷумҳурии Тоҷикистон барои солҳои 2021-2025» дар шаҳру ноҳияҳои вилоят мавриди баррасӣ қарор дода шуд. Дар ин хусус ба АМИТ «Ховар» дар маркази матбуоти Раиси вилояти Хатлон хабар доданд.
Дар иҷлосия иттилоъ дода шуд, ки дар вилояти Хатлон шумораи умумии муассисаҳои фарҳангӣ 886 ададро ташкил дода, аз ин шумора 492 адад китобхона, 286 адад муассисаҳои клубӣ, 3 адад филармонияи халқӣ, 5 адад театрҳои халқӣ, 3 адад театрҳои касбӣ, 35 адад боғҳои фарҳангӣ — фароғатӣ, 18 адад осорхонаҳо, 29 адад мактабҳои бачагонаи санъат, 12 адад ансамблҳои тарона ва рақс, 3 адад ансамблҳои касбии вилоятӣ фаъолият намуда, 936 адад ёдгироҳои таърихӣ ба қайд гирифта шудааст.
Муовини Раиси вилояти Хатлон Ҷамшед Каримзода доир ба иҷрои «Барномаи рушди иҷтимоию иқтисодии вилояти Хатлон барои солҳои 2021-2025» гузориш дода, изҳор намуд, ки барномаи мазкур 368 лоиҳаҳоро ба маблағи умумии 8459,2 млн сомонӣ дар бар мегирад. То 1 июни соли равон, 169 лоиҳа ба маблағи умумии 4774,6 миллион сомонӣ ё 56,4 фоиз иҷро гардидааст.
Дар иҷлосия вакилон оид ба иҷрои ду барномаи номбаршуда ибрози назар намуда, оид ба ислоҳи камбудиҳои дар ин самт ошкоршуда таклифу пешниҳоди муфид намуданд.
Дар иҷлосияи Маҷлиси вакилони халқи вилояти Хатлон дигар мушкилоти ҷойдошта мавриди баррасӣ қарор дода шуд.
Раиси Маҷлиси вакилони халқи вилояти Хатлон Давлаталӣ Саид оид ба ҳалли камбудиҳои ҷойдошта, самти ҳифзи иҷтимоии аҳолӣ, кишоварзӣ, истифодаи замин ва ҳолати мелиоративӣ, саноат, энергетика, бонк, сохтмон ва меъморӣ, нақлиёт ва коммуникатсия, иттилоот, илм ва маориф, тандурустӣ, фарҳанг, кор бо ҷавонон ва варзиш, сайёҳӣ, кор бо занон ва оила, танзим ва дин, инчунин оид ба дигар масъалаҳо сухан намуда, дар назди масъулин барои ҳалли онҳо дар кутоҳтарин муҳлат вазифа гузошт.
АКС: Хадамоти матбуоти раиси вилояти Хатлон
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
