Дар доираи Конфронси сеюми байналмилалӣ оид ба об бо иштироки муовини Сарвазири Тоҷикистон ҷаласаи пленарӣ баргузор шуд
ДУШАНБЕ, 12.06.2024. /АМИТ «Ховар»/. Дар доираи Конфронси сеюми байналмилалӣ оид ба Даҳсолаи байналмилалии амал “Об барои рушди устувор, солҳои 2018-2028”, ки таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 11 июн оғоз гардид, 12 июн ҷаласаи пленарии конфронс бо иштироки муовини Сарвазири Ҷумҳурии Тоҷикистон Сулаймон Зиёзода анҷом ёфт. Дар ин хусус хабарнигорони АМИТ «Ховар» иттилоъ медиҳанд.
Иштирокдорони ҷаласаи пленарӣ масъалаҳои марбут ба обу иқлим, нақши Ҷумҳурии Тоҷикистон дар ҳалли масъалаҳои марбут ба об, тавсеаи ҳамкории минтақавӣ ва байналмилалӣ дар самти коҳиш додани пайомадҳои марбут ба обу иқлим, нақши Конфронси сеюми байналмилалӣ оид ба Даҳсолаи байналмилалии амал “Об барои рушди устувор, солҳои 2018-2028” дар ҳалли масъалаҳои гуфташударо баррасӣ намуданд.
Гуфта шуд, ки ташаббусҳои глобалии Ҷумҳурии Тоҷикистон вобаста ба масъалаҳои обу иқлим, хусусан ташаббуси панҷуми мамлакати мо, ки аз ҷониби Маҷмаи Умумии Созмони Милали Муттаҳид соли 2022 бо иттифоқи орои кулли давлатҳои аъзои Созмони Милали Муттаҳид қабул гардид, саривақтӣ ва муҳим мебошанд. Зеро дар асоси қабули ин қатънома соли 2025 Соли байналмилалии ҳифзи пиряхҳо ва 21 март Рӯзи байналмилалии ҳифзи пиряхҳо эълон гардид.
Инчунин дар асоси ин қатънома Фонди ҳифзи пиряхҳо таъсис дода шуд, ки Тоҷикистон аввалин шуда, дар суратҳисоби ин фонд саҳм гузошт.
Иштирокдорони ҷаласаи пленарӣ бар он андешаанд, ки баргузории Конфронси сеюми байналмилалӣ оид ба Даҳсолаи байналмилалии амал “Об барои рушди устувор, солҳои 2018-2028” дар пойтахти Тоҷикистон – шаҳри Душанбе бори дигар ҷомеаи ҷаҳонро ба андешидани тадбирҳои муассир дар самти обу иқлим ва ҳифзи муҳити зист водор менамояд.
Ёдовар мешавем, ки 11 июн бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе Конфронси сеюми байналмилалӣ оид ба Даҳсолаи байналмилалии амал “Об барои рушди устувор, солҳои 2018-2028” баргузор гардид.
Аз ҷумла, Сарвари давлат таъкид доштанд, ки мавзуи захираҳои об, истифодаи оқилона ва устувори он яке аз авлавияти сиёсати Тоҷикистон муайян гардидааст. Бо дахли ҷонибдории ташаббусҳои глобалии Тоҷикистон Президенти Тоҷикистон таъкид намуданд, ки «пуштибонии ташаббусҳои Тоҷикистон дар самти обу иқлим аз ҷониби ҷомеаи ҷаҳонӣ тавассути 10 қатъномаи Маҷмаи Умумии Созмони Милали Муттаҳид таҷассумгари нақши фаъол ва калидии кишвари мо дар пешбурди рӯзномаи обу иқлим дар сатҳи байналмилалӣ мебошад».
Марзия САИДЗОДА,
Зарангези ЛАТИФ,
Тоҳири САИД (АКС),
АМИТ «Ховар»
КОНФРОНСҲОИ ИҚЛИМИИ СММ. Тоҷикистон дар татбиқи ҳадафҳои ин конфронсҳо пешсаф аст
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланд оид ба амалишавии қатъномаи Маҷмаи Умумии СММ дар бораи эълон шудани cоли 2025 ҳамчун «Соли байналмилалии ҳифзи пиряхҳо» иштирок намуданд
Президенти Ҷумҳурии Тоҷикистон Эмомалӣ Раҳмон бо Павилиони миллии Ҷумҳурии Тоҷикистон шинос шуданд
Президенти Ҷумҳурии Тоҷикистон Эмомалӣ Раҳмон дар маросими кушодашавии Павилиони об барои иқлим иштирок намуданд
Президенти Ҷумҳурии Тоҷикистон Эмомалӣ Раҳмон дар мизи мудаввари сатҳи баланд бахшида ба мавзуи маблағгузории соҳаи иқлим дар Павилиони Покистон иштирок намуданд
Суханрони Президенти Ҷумҳурии Тоҷикистон Эмомалӣ Раҳмон дар иҷлосияи умумии Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим
Президенти Ҷумҳурии Тоҷикистон Эмомалӣ Раҳмон дар Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим дар Боку иштирок намуданд
«БОЗТОБИ МАСЪАЛАҲОИ ОБ ДАР РАДИОИ «ХОВАР»». Бо ин унвон китоби Манижа Баҳромзода ба нашр расид
РАВАНДИ ДУШАНБЕ. Бахшида ба конфронси байналмилалӣ бар зидди терроризм дар Кувайт ҳамоиш баргузор гардид
Дар иҷлосияи Конфронси тарафҳои Конвенсияи СММ оид ба гуногунии биологӣ ташаббусҳои глобалии Президенти Тоҷикистон баррасӣ шуданд
Масъалаҳои татбиқи Конвенсияи СММ оид ба гуногунии биологӣ дар Колумбия баррасӣ шуданд
