Дар Донишгоҳи техникии Тоҷикистон бо намояндагони Пажуҳишгоҳи кореягии тадқиқоти роҳи оҳан вохӯрӣ доир гардид
ДУШАНБЕ, 30.06.2024 /АМИТ «Ховар»/. Дар Донишгоҳи техникии Тоҷикистон ба номи академик Муҳаммад Осимӣ вохӯрии роҳбарияти донишгоҳ бо намояндагони ширкати кореягии «Yooshin» ва Пажуҳишгоҳи кореягии тадқиқоти роҳи оҳан ҷиҳати асосноккунии техникӣ — иқтисодии лоиҳаи иншооти «Сохтмони роҳи оҳани Ҷалолиддини Балхӣ — Панҷи Поён» баргузор шуд.
Тавре АМИТ «Ховар» бо истинод ба Донишгоҳи техникии Тоҷикистон хабар медиҳад, дар вохӯрӣ масъалаҳои марбут ба омода намудани муҳандисони самти роҳсозӣ дар ҷумҳурӣ, барномаҳои таълимии сохтмони роҳҳо дар донишгоҳ, баҳисобгирии тағйирёбии иқлим ҳангоми лоиҳакашии роҳ, кам намудани ҳаҷми газҳои ихроҷшаванда ба атмосфера ҳангоми роҳсозӣ, стандартҳои сохтмону таҷдиди роҳҳо, маводҳои сохтмонӣ, такмили дараҷаи касбии устодон, табодули академии омӯзгорон ва донишҷуён ва амсоли инҳо ба таври муфассал мавриди муҳокима қарор гирифтанд.
Ҷонибҳо баргузор намудани машварати омӯзиширо барои омӯзгорону донишҷӯён вобаста ба мавзуъҳои дахлдори самти роҳи оҳан бо ҷалби мутахассисони байналмилалӣ ва таҷрибаи пешқадам дар рӯзҳои наздик қобили мақсад шуморида, барои мулоқоти судманд ва пешниҳоди мушаххас изҳори қаноатмандӣ намуданд.
Мавриди тазаккур аст, ки хатмкунандагони Донишгоҳи техникии Тоҷикистон дар рушду ободонии ҷумҳурӣ дар самти сохтмони роҳҳои ба талаботи байналмилалӣ ҷавобгӯ нақши сазовор гузошта, барои ба ҷумҳурии транзитӣ табдил додани Ҷумҳурии Тоҷикистон таҷрибаи ҷаҳониро пайваста роҳандозӣ менамоянд.
АКС: Донишгоҳи техникии Тоҷикистон ба номи академик М.С.Осимӣ
НИШАСТИ МАТБУОТӢ. Дар Донишгоҳи давлатии молия ва иқтисоди Тоҷикистон 6 ихтисоси нав таъсис ёфт
НИШАСТИ МАТБУОТӢ. Дар Донишгоҳи байналмилалии сайёҳӣ ва соҳибкории Тоҷикистон «Фарҳанги дастархондорӣ» меомӯзанд
НИШАСТИ МАТБУОТӢ. Дар Донишгоҳи давлатии ҳуқуқ, бизнес ва сиёсати Тоҷикистон шумораи гурӯҳҳои русию англисӣ 20 адад зиёд шуд
НИШАСТИ МАТБУОТӢ. Давраи бақайдгирии довталабон барои иштирок дар имтиҳонҳои марказонидаи дохилшавӣ кай оғоз мешавад?
НИШАСТИ МАТБУОТӢ. Донишгоҳи давлатии Кӯлоб бо зиёда аз 90 муассисаи таҳсилоти олии давлатҳои хориҷӣ ҳамкорӣ менамояд
Донишҷӯёни Донишгоҳи байналмилалии сайёҳӣ ва соҳибкории Тоҷикистон барои табодули академӣ ба Донишгоҳи миллии Авруосиё рафтанд
НИШАСТИ МАТБУОТӢ. Музди маоши кормандони Донишгоҳи давлатии Бохтар 10 фоиз баланд бардошта мешавад
ПАЙВАНДИ ИЛМ ВА ИСТЕҲСОЛОТ. Дар технопарки «Фановар»-и Донишгоҳи технологии Тоҷикистон маҳсулоти хӯрокворӣ истеҳсол мегардад
Дар Донишгоҳи аграрии Тоҷикистон озмоишгоҳи соҳавии илмӣ-таълимӣ ба истифода дода шуд
ФАННИ ТЕХНОЛОГИЯ (ТАЪЛИМИ МЕҲНАТ). Дар самти таълими он чӣ мушкилӣ ҷой дорад?
Дар Душанбе вобаста ба баланд бардоштани сифати омӯзиши забонҳо конференсияи байналмилалӣ доир шуд
НИШАСТИ МАТБУОТӢ. Дар Донишгоҳи славянии Русияву Тоҷикистон шаҳрвандони 11 давлати хориҷӣ таҳсил менамоянд
