Донишҷӯёни Тоҷикистон имкони дар Донишгоҳи шаҳрсозии Тянҷин идома додани таҳсилро доранд
ДУШАНБЕ, 19.06.2024 /АМИТ «Ховар»/. Донишҷӯёни Донишгоҳи техникии Тоҷикистон ба номи академик Муҳаммад Осимӣ метавонанд аз рӯйи барномаи таълимии муштараки 2+2 дар Донишгоҳи касбӣ-техникии идораи шаҳрсозии Тянҷин ва Донишгоҳи шаҳрсозии Тянҷин таҳсили худро идома диҳанд. Ин матлаб 18 июн зимни вохӯрии ректори Донишгоҳи техникии Тоҷикистон ба номи академик Муҳаммад Осимӣ Қудрат Давлатзода бо намояндагони Донишгоҳи касбӣ — техникии идораи шаҳрсозии Тянҷини Ҷумҳурии Мардумии Чин баён гардид. Дар ин хусус ба АМИТ «Ховар» дар Донишгоҳи техникии Тоҷикистон иттилоъ доданд.
Вохӯрии мазкур дар доираи амалисозии фаъолияти Маркази таҷрибавӣ ва таълимоти касбии Тоҷикистону Чин – коргоҳи Лубан доир шуда, дар он ҷонибҳо доир ба омода намудани мутахассисони самти сохтмон (геодезия ва картография) ва энергетика (энергияи сабз) аз рӯйи барномаи таълимии муштараки 2+2 мубодилаи афкор намуданд.
Ҳамчунин дар мулоқот масъалаҳои тақвияти ҳамкорӣ дар доираи Маркази таълими амалии геодезия ва картографияи интеллектуалӣ ва Маркази омӯзиши амалии энергияи сабз, ки соли 2022 бо мақсади амалишавии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар заминаи Донишгоҳи техникии Тоҷикистон ба номи академик Муҳаммад Осимӣ бунёд карда шудааст, мавриди баррасии тарафайн қарор гирифтанд.
Қудрат Давлатзода иброз намуд, ки ҷиҳати мусоидати фаъол ба ташаббуси «Як камарбанд, як роҳ» ва татбиқи амиқи ризоияти сарони давлатҳои Тоҷикистону Чин, ки зимни Саммити якуми сарони кишварҳои «Чин-Осиёи Марказӣ» таъкид гардид, таҳкими минбаъдаи ҳамкории Донишгоҳи техникии Тоҷикистон ба номи академик Муҳаммад Осимӣ бо Донишгоҳи касбӣ-техникии идораи шаҳрсозии Тянҷин ва Донишгоҳи шаҳрсозии Тянҷин дар самти рақамикунонӣ, инноватсия ва технологияи сабз, бахши гидроэнергетика ва дигар бахшҳо муҳим арзёбӣ мегардад.
АКС: Донишгоҳи техникии Тоҷикистон ба номи академик М.С Осимӣ
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
