ФОРУМИ ЗАНОНИ ТОҶИКИСТОНУ ЧИН. Он ба таҳкими нақши занону духтарон дар рушди иқтисодию иҷтимоии ду давлат мусоидат менамояд
ДУШАНБЕ, 20.06.2024 /АМИТ «Ховар»/. Тавре қаблан хабар додем, имрӯз дар Театри давлатии мусиқӣ-мазҳакавии ба номи Камоли Хуҷандӣ Форуми занони Тоҷикистону Чин таҳти унвони «Ҳамкории занон дар чаҳорчӯбаи ташаббуси «Як камарбанд- як роҳ» бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд ба кори худ оғоз намуд, ки дар доираи он тавсеаи ҳамкории минбаъда ва тавонмандсозии нақши занону духтарон дар рушди иқтисодӣ ва иҷтимоии ҳарду мамлакат баррасӣ гардид.
Дар қисмати дуввум ва сеюми чорабинӣ намояндагони Тоҷикистону Чин дар мавзуи тавсеаи ҳамкории минбаъда ва тавонмандсозии нақши занону духтарон дар рушди иқтисодӣ ва иҷтимоии ҳарду давлат маъруза намуданд.
Форуми мазкур бо мақсади таҳким ва тавсеаи ҳамкории занони Тоҷикистону Чин дар чаҳорчӯбаи ташаббуси «Як камарбанд — як роҳ» доир гардида, барои фароҳам овардани замина ҷиҳати табодули афкор, иттилоот ва таҷриба, тавсеаи ҳамкории минбаъда ва тавонмандсозии нақши занону духтарон дар рушди иқтисодӣ ва иҷтимоии ҳарду мамлакат замина хоҳад гузошт.
Барои ноил гардидан ба ҳадафҳои мазкур дар форум масъалаҳои фароҳамории замина барои табодули таҷриба ва омӯзиши таҷрибаи пешқадам дар соҳаҳои соҳибкорӣ, маориф, тандурустӣ ва фаъолнокии иҷтимоии занон, таҳия ва амалӣ намудани лоиҳаҳои муштарак дар доираи ташаббуси «Як камарбанд — як роҳ», таҳкими робитаҳои фарҳангии занони ду мамлакат ва дигар масъалаҳо мавриди баррасӣ қарор гирифт.
АКС: Хадамоти матбуоти Раиси вилояти Суғд
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Тоҷикистон иқдоми тақдими китоб идома дорад
Тавассути корти бонкии нафақагирон беш аз 200 амалиёти бонкӣ иҷро мегардад
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
