ХУШ ОМАДЕД! Меҳмонон ва иштирокчиёни Конфронси сеюми байналмилалии сатҳи баланди Душанбе мавзеъҳои таърихию фарҳангии Тоҷикистонро тамошо менамоянд

Июнь 13, 2024 08:32

ДУШАНБЕ, 13.06.2024. /АМИТ «Ховар»/. Имрӯз дар доираи Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 барои меҳмонон ва иштирокчиёни он 7 хатсайри сайёҳӣ ташкил гардид, иттилоъ медиҳад АМИТ «Ховар».

Дар доираи ин чорабинӣ, меҳмонон аз рӯи хатсайрҳои: саёҳат дар шаҳри Душанбе, сафар ба осоишгоҳи «Шоҳамбарӣ» ва тамошои Қалъаи Ҳисор, саёҳат ба шаҳри Норак (шиносоӣ бо сарбанди Неругоҳи барқи обии «Норак»), саёҳат ба шаҳри Роғун (шиносоӣ бо Неругоҳи барқи обии «Роғун»), саёҳат ба дараи зебоманзараи Ромит, сайру гашт дар дараи Варзоб ва қад-қади болооби дарёи Сиёма ва саёҳат ба Маҷмааи лижаронии «Сафеддара» бо якчанд мавзеи зебою хотирмони мамлакат шинос мешаванд.

Меҳмонон аз тамошои обҳои мусаффо, кӯҳҳои сар ба афлок, табиати нотакрор, осмони беғубор, гулҳои шукуфон ва дарахтони ҳамешасабзи мамлакати мо ҳаловат мебаранд. Зеро боду ҳавои тозаи мамлакати мо барои саломатӣ аҳамияти калон дорад. Хушбахтона, осмони Тоҷикистон софу беғубор буда, гулу гиёҳҳои табиати диёрамон ҳамчун воситаи шифо истифода мешаванд.

Ба гуфти масъулини Кумитаи сайёҳӣ, тавассути ин хатсайрҳо маротибаи аввал сайёҳони хориҷӣ ба тамошои беҳтарин мавзеъҳо бурда мешаванд.

Зимни сафар ба меҳмонон хӯроки нисфирӯзӣ бо таомҳои миллӣ пешкаш карда мешавад. Ин саёҳат ба меҳмонон имконият медиҳад, ки на танҳо бо табиати бойи Тоҷикистон шинос шаванд, балки дар оғӯши табиати зебо таомҳои миллии моро истеъмол намоянд.

Соҳаи сайёҳии Тоҷикистон тибқи баҳогузории созмонҳои байналмилалӣ ба даҳгонаи беҳтарин давлатҳои ҷолиб, роҳҳои зеботарини дунё, мавзеъҳои бехатар аз рӯйи таъмини амнияти шабона, даҳгонаи мамлакатҳои беҳтарин аз рӯйи сайёҳии пиёдагардӣ ва саргузаштӣ, панҷгонаи беҳтарин аз рӯйи низоми содаи пешниҳоди раводид ва дигар эътирофҳои ҷаҳонӣ сазовор гардидааст.

Тоҷикистони биҳиштосои мо дорои захираҳои бойи сайёҳӣ мебошад. Кӯҳҳои сарбафалаккашида, кӯлу дарёҳо, чашмаҳои обҳои шифобахш, ёдгориҳои қадимӣ ва беназири таърихӣ, меваю сабзавоти аз лиҳози экологӣ тоза, набототу ҳайвонот таваҷҷуҳи сайёҳони дохиливу хориҷиро ба худ ҷалб намудаанд. Бартарияти соҳаи сайёҳии Тоҷикистон дар он аст, ки табиати мо, воқеан табиӣ ва дастнорасида аст. Бинобар ин сайёҳон ба он таваҷҷуҳи бештар доранд. Бартарияти дигари табиати Тоҷикистон-ин обҳои шифобахш ва минералӣ мебошанд, ки баъзеи онҳо танҳо дар мамлакати мо мавҷуд ҳастанд.

АКС: АМИТ «Ховар»

Июнь 13, 2024 08:32

Хабарҳои дигари ин бахш

«ҲИФЗИ МОРХӮР: СТРАТЕГИЯҲО ВА ТАҶРИБАҲОИ САМАРАНОК». Таҳти ин унвон дар Ню-Йорк доир ба ташаббуси Тоҷикистон ҳамоиш доир шуд
Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Масъалаи тағйирёбии иқлим ва обшавии босуръати пиряхҳо дар Созмони Милали Муттаҳид баррасӣ шуд
Вазири энергетика ва захираҳои оби Тоҷикистон: «Конфронси таърихии Созмони Милали Муттаҳид оид ба об ҷаҳонро атрофи масъалаи об муттаҳид намуд»
Масъалаи тавсеаи ҳамкории Тоҷикистон бо Аморати Муттаҳидаи Араб дар соҳаи обу энергетика дар Ню-Йорк баррасӣ гардид
Ҳамкории Тоҷикистон ва Барномаи рушди Созмони Милали Муттаҳид тақвият меёбад
Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
Ҳоким Холиқзода бо муовини якуми Дабири кулли Созмони Милали Муттаҳид Амина Муҳаммад мулоқот намуд
Муовини якуми Сарвазири мамлакат Ҳоким Холиқзода дар чорабинии канории Тоҷикистон дар қароргоҳи СММ иштирок намуд
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»