Имсол корхонаи «Оби зулол»-и шаҳри Истаравшан ҳаҷми содироти маҳсулотро зиёд намудааст

Июнь 21, 2024 09:14

ДУШАНБЕ, 21.06.2024 /АМИТ «Ховар»/. Дар панҷ моҳи соли равон корхонаи «Оби зулол» -и шаҳри Истаравшан ба маблағи 5,5 миллион доллари ИМА маҳсулот содирот намудааст, ки ин нисбат ба ҳамин давраи соли гузашта 1,6 баробар зиёд аст, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Айни замон корхона ба қабули мева оғоз карда, аз 8 июн то инҷониб аз шаҳру ноҳияҳои вилоят зиёда аз 250 тонна зардолуро харидорӣ намудааст. Меваҳои қабулгардида бо истифода аз технологияҳои муосир коркард шуда, аз онҳо маҳсулоти гуногун омода ва вориди бозор карда мешаванд.

Корхонаи «Оби Зулол» вобаста ба мавсим зардолу, сиёҳолу, шафтолу, биҳӣ, себ, олую олуча ва сабзавотро аз хоҷагиҳои деҳқонӣ ва аҳолии ҷумҳурӣ қабул намуда, коркард менамояд. Маҳсулоти истеҳсолшудаи корхона илова бар бозори дохилӣ ба Қазоқистон, Узбекистон, Русия, Амрико ва дигар давлатҳо содирот мегардад.


Ҷамъияти саҳомии пӯшидаи «Оби Зулол», ки соли 2000 мавриди истифода қарор дода шудааст, яке аз корхонаҳои калонтарини саноатӣ ба ҳисоб рафта, масоҳати умумиаш 10 гектарро ташкил медиҳад. Самти асосии фаъолияти ҷамъият истеҳсоли нӯшокиҳои ташнагишикан, коркарди меваю сабзавот, истеҳсоли мураббо, афшураҳои мевагӣ ва истеҳсоли ғизои кӯдаконро дар бар мегирад.

Раиси вилояти Суғд Раҷаббой Аҳмадзода дар шаҳри Истаравшан бо фаъолияти корхонаи «Оби зулол» аз наздик шинос гардид.

Роҳбарияти корхона барои ҳарчи бештар харидорӣ ва коркард намудани меваҳои шаҳдбор, инчунин зиёд намудани ҳаҷми содироти маҳсулоти истеҳсоли ватанӣ вазифадор карда шуданд.

АКС: Хадамоти матбуоти Раиси вилояти Суғд

Июнь 21, 2024 09:14

Хабарҳои дигари ин бахш

Дар Панҷакент Форуми минтақавии саводнокии молиявӣ баргузор шуд
Шурои Фонди иқлими сабз аккредитатсияи Маркази татбиқи лоиҳаҳои сармоягузории Кумитаи ҳифзи муҳити зистро тасдиқ намуд
Бонки ҷаҳонӣ: «Иқтисоди Тоҷикистон солҳои охир ба таври назаррас рушд ёфтааст»
Дар Душанбе таҳкими ҳамкории сармоягузорӣ ва рушди соҳибкорӣ байни Тоҷикистон ва Бангладеш баррасӣ шуд
РУШДИ САНОАТ. Имсол дар Хатлон 40 корхонаи саноатӣ таъсис ёфт
Сарвазири мамлакат Қоҳир Расулзода бо фаъолияти «Маркази барқу гармидиҳии -2»-и шаҳри Душанбе шинос шуд
Ҳаҷми истеҳсоли маҳсулоти кишоварзӣ дар ноҳияи Мастчоҳ ба 365 миллион сомонӣ расонида шуд
Вазири энергетика ва захираҳои оби Тоҷикистон: «Конфронси таърихии Созмони Милали Муттаҳид оид ба об ҷаҳонро атрофи масъалаи об муттаҳид намуд»
5750 метр доманакӯҳҳои ҳудуди Хоруғ зинакунонӣ гардонида шуд
Ҳамкории Иттиҳоди Аврупо бо Ҷумҳурии Тоҷикистон густариш меёбад
Масъалаи тавсеаи ҳамкории Тоҷикистон бо Аморати Муттаҳидаи Араб дар соҳаи обу энергетика дар Ню-Йорк баррасӣ гардид
Дар Душанбе ҷаласаи Кумитаи роҳбарикунандаи лоиҳаи GIZ оид ба содагардонии расмиёти савдо дар Осиёи Марказӣ баргузор гардид