Намояндагони Тоҷикистон дар Фестивали ҷаҳонии ҷавонон дар Узбекистон иштирок доранд
ДУШАНБЕ, 26.06.2024 /АМИТ «Ховар»/. Дар доираи баргузории Фестивали ҷаҳонии ҷавонон дар Ҷумҳурии Узбекистон фаъолияти кор бо ҷавонон, варзиш ва Иттифоқи ҷавонони Узбекистон муаррифӣ гардид, ки дар он намояндагони Тоҷикистон иштирок намуданд. Дар ин хусус АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
Зимни рӯнамоии фаъолияти самтҳои бахшҳои мазкур таъкид гардид, ки муносибатҳои дуҷониба ва ҳамкории мутақобилан судманди соҳаи ҷавонон ва варзиши Узбекистон бо кишварҳои шарик ва ҳамкор, бахусус Тоҷикистон дар сатҳи зарурӣ роҳандозӣ гардидааст.
Тазаккур дода шуд, ки табодули таҷриба ва фароҳам овардани шароит барои ҷавонон ва дастгирии онҳо имкон дод, ки самти ҷавонон дар Узбекистон дар ҳоли рушд қарор гирад.
Муовини якуми Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шабнам Раҳимзода гуфт, ки густариш ёфтани муносибатҳои Тоҷикистон ва Узбекистон, дар заминаи сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев дар самти ҷавонон ва варзиш амалӣ гардида истодааст. Бо таклифи ҷониби Узбекистон аз Ҷумҳурии Тоҷикистон 61 нафар дар Фестивали ҷаҳонии ҷавонон иштирок доранд.
Дар рафти Фестивал масъулин иброз доштанд, ки ташкили чунин чорабинии сатҳи баланд барои табодули таҷриба, мустаҳкам намудани дӯстӣ байни ҷавонони иштирокчии Форум мусоидат намояд, аз ҷониби дигар барои тамошои мавзеъҳои таърихӣ ва фарҳангиву сайёҳӣ имконият фароҳам меорад.
Форуми ҷаҳонии ҷавонон дар Ҷумҳурии Узбекистон идома дорад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Эмомалӣ Раҳмон: «Тавоноии миллату давлат бо устувориву пойдории мавҷудияти ваҳдати миллӣ ва сулҳу субот пайванди ногусастанӣ дорад»
Вазири тандурустӣ ва ҳифзи иҷтимоии аҳолии Тоҷикистон дар шаҳри Урумчии Чин бо донишҷӯёни тоҷик вохӯрӣ анҷом дод
«МО БО ШУМО ИФТИХОР МЕКУНЕМ!». Таҳти чунин унвон ҳайати гурӯҳи кории Кумитаи кор бо ҷавонон ва варзиш бо афсарону сарбозон вохӯрӣ намуд
Қабул шудани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» иқдоми зарурӣ ба саривақтӣ мебошад
Сарвари давлат: «Қаҳрамони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Сардори Хадамоти иҷро Барно Саидвализода: «Ягона омили муассири ҳаёти осоишта ва рӯзгори равшану босаодат ваҳдат ва сулҳу ҳамдилӣ мебошад»
ПЕШВОИ ЯТИМПАРВАРИ МИЛЛАТ. Барои 50 нафар ятими кулл — сарбозони Артиши миллӣ саёҳат ба мавзеъҳои ҷолиби шаҳрҳои Ҳисор ва Душанбе ташкил гардид
Кумитаи ҳолатҳои фавқулода ва мудофиаи гражданӣ: «Баъзе аз шаҳрвандон қоидаҳои бехатариву амниятро риоя намекунанд»
Ҷавонони Тоҷикистон дар Форуми ҷаҳонии ҷавонони Узбекистон иштирок мекунанд
ОГОҲИИ АГЕНТИИ ОБУҲАВОШИНОСӢ. Аз 26 то 28 июн дар Тоҷикистон ҳавои номусоид дар назар аст
Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав» ба кори худ оғоз намуд
Сарвазири Тоҷикистон Қоҳир Расулзода дар ноҳияи Нуробод бо ҷараёни корҳои бартарафсозии офати табиӣ ва раванди тадбирҳои ободонӣ шинос шуд
