ТОБИСТОН ФАРО РАСИД. Дар моҳи аввали ин фасл тоҷикистониёнро чӣ гуна ҳаво интизор аст?
ДУШАНБЕ 02.06.2024 /АМИТ «Ховар»/. Дар моҳи аввали фасли тобистон — июн ҳарорати миёнаи моҳонаи ҳаво дар водиҳои Тоҷикистон аз 1 то 2 дараҷа аз меъёри иқлимӣ пасттар пешгӯӣ карда мешавад. Миқдори моҳонаи бориши атмосферӣ аз меъёри иқлимӣ зиёд пешгӯӣ шуда, ҳавои ин моҳ ба соли 2009 монандӣ дорад. Дар ин хусус ба АМИТ «Ховар» дар Агентии обуҳавошиносии мамлакат иттилоъ доданд.
Моҳи июн дар шаҳри Душанбе ва водиҳои ноҳияҳои тобеи ҷумҳурӣ ҳаво аз 17 то 32 дараҷа гарм мешавад.
Дар даҳрӯзаи аввали моҳ дар водиҳои вилояти Хатлон ҳаво аз 15 то 32 дараҷа гарм, дар баъзе ноҳияҳои ҷанубӣ то 35 дараҷа гарм пешгӯӣ мешавад. Дар даҳрӯзаҳои дуюм ва сеюми моҳ ҳарорати бартариятдоштаи ҳаво дар водиҳо то 39 дараҷа гарм, дар рӯзҳои алоҳида то 42 дараҷа гармӣ дар назар аст. Миқдори моҳонаи бориши атмосферӣ аз меъёри иқлимӣ зиёд пешгӯӣ мешавад. Инчунин дар рӯзҳои алоҳида шиддати вазиши шамол бо суръати то 13-18 метр дар як сония аз эҳтимол дур набуда, дар баъзе ноҳияҳо тӯфони чангу ғубор ба амал меояд.
Моҳи июн дар вилояти Суғд ҳаво аз меъёри иқлимӣ 1-2 дараҷа пасттар пешгӯӣ шуда, дар водиҳо то 26 дараҷа гарм, дар ноҳияҳои кӯҳӣ аз 14 то 27 дараҷа гармиро ташкил медиҳад. Миқдори моҳонаи бориши атмосферӣ аз меъёри иқлимӣ зиёд пешгӯӣ мешавад.
Дар ғарби Вилояти Мухтори Кӯҳистони Бадахшон ҳаво то 17 дараҷа гармиро ташкил медиҳад. Дар даҳрӯзаи аввали моҳ ҳаво то 23 дараҷа гарм пешгӯӣ мешавад. Дар даҳрӯзаҳои дуюм ва сеюми моҳ ҳарорати бартариятдоштаи ҳаво то 29 ва дар баъзе ноҳияҳо то 35 дараҷа гарм дар назар дошта шудааст.
Дар шарқи Вилояти Мухтори Кӯҳистони Бадахшон ҳаво аз меъёри иқлимӣ 1-2 дараҷа пасттар пешгӯӣ шуда, то 4 дараҷа гармиро ташкил медиҳад. Давоми моҳ тағйирёбии ҳарорати ҳаво пешгӯӣ шуда, рӯзона аз 13 то 20 дараҷа гарм мешавад. Миқдори моҳонаи бориши атмосферӣ аз меъёри иқлимӣ зиёд пешгӯӣ мешавад.
АКС аз Дидор Саъдуллоев
15-18 июл дар Тоҷикистон Мактаби тобистонаи таълими ҳуқуқи инсон баргузор мегардад
Дар Филиппин Форуми байналмилалии тандурустӣ баргузор гардид
Дар ноҳияи Рӯшон оид ба истифодаи сарфакоронаи неруи барқ вохӯрӣ доир гардид
Аз 9 то 13 июл дар Тоҷикистон ҳарорати ҳаво то 5 дараҷа паст мешавад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи иҷтимоӣ ба имзо расид
ИМРӮЗ — РӮЗИ МАЪЮБОН. Дар Тоҷикистон заминаи ҳуқуқии ҳифзи иҷтимоии маъюбон фароҳам оварда шудааст
Пагоҳ дар баъзе аз кӯчаҳои Душанбе ҳаракати воситаҳои нақлиёт муваққатан қатъ мегардад
Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
