Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод

Июль 11, 2024 09:53

ДУШАНБЕ, 11.07.2024 /АМИТ «Ховар»/. Дар шаш моҳи соли равон ҳаҷми маҷмӯи маҳсулоти минтақавӣ дар шаҳри Ҳисор 2 миллиарду 20,9 миллион сомониро ташкил дода, суръати рушд ба 114 фоиз баробар гардидааст, ки нисбат ба ҳамин давраи соли гузашта 245,3 миллион сомонӣ зиёд мебошад ва ин нишондиҳанда дар истеҳсол ва коркарди маҳсулоти саноатӣ 102,9 фоиз, кишоварзӣ 103,3 фоиз, гардиши савдои чакана 120 фоиз афзоиш ёфта ва ба ҳалли масъалаҳои иҷтимоии шаҳр мусоидат намудааст. Дар ин хусус дар шаҳри Ҳисор дар ҷаласаи ҷамъбастӣ бо иштироки муовини Сарвазири ҷумҳурӣ Дилрабо Мансурӣ баргузор гардид,таъкид шуд.

Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор хабар медиҳад, қисми даромади буҷети маҳаллии шаҳр дар давраи ҳисоботӣ 106 миллиону 788 ҳазор сомонӣ пешбинӣ гардида, ба буҷет 109 миллиону 444 ҳазору 429 сомонӣ ворид гардид, ки 102,5 фоизи нақшаро ташкил медиҳад. Ин нишондиҳанда нисбат ба нақша 2 миллиону 656 ҳазору 429 сомонӣ зиёд мебошад.

Муовини Сарвазири мамлакат доир ба мураккаб гардидани авзои сиёсии ҷаҳон ва минтақа, таҳдиди хатарҳои ҷангу гуруснагӣ дар баъзе давлатҳо ва таъсири он ба иқтисодиёти ҷаҳон, аз ҷумла ҷумҳуриамон изҳори назар кард. Таъкид шуд, ки натиҷаҳо назаррас бошанд ҳам, дар баробари пешравиҳо, самти иҷтимоию иқтисодӣ дар шаҳр аз камбудиву норасоиҳо орӣ нест ва вобаста ба камбудиҳое, ки пешниҳод гардид, тавсияву пешниҳодҳои мушаххас баён дошт.

Дилрабо Мансурӣ дар амал татбиқ намудани Барномаҳои давлатӣ ва стратегияҳоро дар самти саноат, сохтмон, кишоварзӣ, маориф, тандурустӣ, ва дигар соҳаҳои хоҷагии халқ ҷиҳати таъмини зиндагии шоистаи мардум аввалиндараҷа маънидод карда, мубориза бо терроризму ифротгароӣ, ҳифзи амнияту оромӣ аз вазифаҳои муҳим ва аввалиндараҷаи аҳли ҷомеа арзёбӣ намуд.

Муовини Сарвазири ҷумҳурӣ Дилрабо Мансурӣ даъват намуд, ки ҷиҳати дар амал татбиқ намудани ҳадафҳои созандаи Ҳукумати мамлакат, иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ, маҷлиси васеи Ҳукумати ҷумҳурӣ «Оид ба натиҷаҳои рушди иқтисодиву иҷтимоии ҷумҳурӣ дар соли 2023 ва вазифаҳо барои соли 2024», мулоқот бо фаъолон, намояндагони ҷомеа ва ходимони дин, бо роҳбарон ва фаъолони вилояти Хатлон, бо олимон ва кормандони маориф, инчунин, Барномаи рушди иҷтимою иқтисодии шаҳри Ҳисор барои солҳои 2021-2026, Нақшаи генералӣ ва нақшаи чорабиниҳо бахшида ба 35-солагии Истиқлоли давлатии Ҷумҳурии Тоҷикистон дар шаҳри Ҳисор роҳандозӣ карда, ба истиқболи ҷашни 35-солагии Истиқлоли давлатии Ҷумҳурии Тоҷикистон корҳои созандагӣ ва ободониро вусъат бахшем.

АКС: Мақомоти иҷроияи ҳокимияти давлатии шаҳри Ҳисор

Июль 11, 2024 09:53

Хабарҳои дигари ин бахш

Ба Тоҷикистон низоми муосири баҳисобгирии дороиҳои роҳҳо «ROMDAS» ворид карда шудааст
«Тоҷикаэронавигатсия»: «Дар шаш моҳи соли равон шумораи парвозҳои транзитӣ афзуда, дар муқоиса ба ҳамин давраи соли гузашта 70,5 фоиз зиёд гардидааст»
Фурудгоҳҳои байналмилалии Тоҷикистон дар соли равон ба зиёда аз 1,6 миллион мусофир хизмат расонидаанд
Тоҷикистону Узбекистон ҷиҳати бехатарии молу маҳсулот ва баҳодиҳии мутобиқат нақшаи корӣ таҳия намуданд
Байни Душанбе ва Лондон роҳи ҳавоӣ ифтитоҳ мегардад
Соли равон дар бозорҳои истеъмолии ҷумҳурӣ зиёда аз 560 ҳазор ташхиси маҳсулоти озуқаворӣ гузаронида шуд
Хадамоти алоқа: «Дар Тоҷикистон ҷиҳати таъмин намудани алоқаи мобилии насли 4 G 157 истгоҳи базавӣ насб гардид»
Соли равон дар Тоҷикистон ҳаҷми боркашонӣ 13,8 фоиз ва мусофирбарӣ 9 фоиз афзудааст
«ҲИФЗИ МОРХӮР: СТРАТЕГИЯҲО ВА ТАҶРИБАҲОИ САМАРАНОК». Таҳти ин унвон дар Ню-Йорк доир ба ташаббуси Тоҷикистон ҳамоиш доир шуд
Тоҷикистон ва Маҷористон ҳамкориро дар соҳаи авиатсия рушд медиҳанд
«ХАТЛОН ИНВЕСТ-2024». Дар шаҳри Бохтар Форуми байналмилалии сармоягузорӣ доир мегардад
Дар Брюсел фаъолияти CANSO дар нимаи аввали соли 2024 натиҷагирӣ гардид