Ҳайати соҳибкорони Шоҳигарии Арабистони Саудӣ ба Тоҷикистон меояд
ДУШАНБЕ, 03.07.2024 /АМИТ «Ховар»/. Рӯзҳои наздик ҳайати соҳибкорони Шоҳигарии Арабистони Саудӣ ба Ҷумҳурии Тоҷикистон меояд. Дар ин хусус дар вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо ҳайати Кумитаи дӯстии Парлумони Шоҳигарии Арабистони Саудӣ таҳти роҳбарии доктор Муҳаммад ибни Абдулазиз ал-Ҷарбо, ки дар Душанбе доир гардид, иттилоъ дода шуд.
АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Тоҷикистон хабар медиҳад, ки раиси кумита ба ҳайати парлумонии Арабистони Саудӣ доир ба вазъи ҳамкории иқтисодию сармоягузории Тоҷикистону Шоҳигарии Арабистони Саудӣ иттилоъ дод.
Инчунин оид ба натиҷаи тавофуқҳои ҳосилшудаи ҳайати Тоҷикистон бо вазири сармоягузории Арабистони Саудӣ Халид Ал-Фалих, муовини якуми вазири саноат ва сарватҳои маъданӣ ва роҳбарияти ширкатҳои «ACWA POWER» ва «EXIM BANK»-и Арабистони Саудӣ маълумот пешниҳод гардид.
Ба ҳайати парлумонии Арабистони Саудӣ имкониятҳои сармоягузории Тоҷикистон дар самтҳои афзалиятнок, хусусан саноат, кишоварзӣ, энергетика ва сайёҳӣ муаррифӣ шуданд.
Инчунин масъалаҳои марбут ба таъсиси корхонаҳои муштарак дар Тоҷикистон ва содироти маҳсулоти кишоварзӣ ба Шоҳигарии Арабистони Саудӣ, баргузории ҷаласаи навбатии Комиссияи байниҳукуматии Тоҷикистону Арабистони Саудӣ, созишномаи ҳифзи мутақобилаи сармоягузорӣ дар вохӯрӣ баррасӣ гардиданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
