Ҷамолиддин Абдуллозода дар Форуми шашуми тандурустии байни кишварҳои аъзои Созмони ҳамкории Шанхай иштирок намуд
ДУШАНБЕ, 02.07.2024 /АМИТ «Ховар»/. 28 июн дар шаҳри Урумчии Ҷумҳурии Мардумии Чин Форуми шашуми тандурустии байни давлатҳои аъзои Созмони ҳамкории Шанхай дар доираи Саммити панҷуми «Як камарбанд, як роҳ» баргузор гашт, ки дар он Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иштирок ва сухан намуд. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Дар форум масъалаҳои муҳими соҳаи тандурустӣ дар бахшҳои илм, омодасозии мутахассисони баландихтисос, рақамикунонии соҳа, беҳтар намудани хизматрасонии беморхонавӣ, ба роҳ мондани табодули таҷриба байни табибони давлатҳои Созмони ҳамкории Шанхай ва дигар мавзуъҳо мавриди баррасӣ қарор дода шуданд.
Ҷамолиддин Абдуллозода дар суханронӣ аз таваҷҷуҳ ва дастгириҳои доимии роҳбарияти давлат ва Ҳукумати Тоҷикистон нисбат ба соҳаи тандурустӣ ёдовар шуда, иброз дошт, ки маҳз бо назардошти сол то сол зиёд гардидани маблағгузории давлатӣ вазъи хизматрасонии тиббӣ ба аҳолӣ дар мамлакат беҳтар гардида истодааст.
Дар доираи иштирок дар форуми мазкур ҳамзамон Вазири тандурустӣ ва ҳифзи иҷтимоии аҳолии Ҷумҳурии Тоҷикистон ба як қатор беморхонаҳои шаҳри Урумчии Ҷумҳурии Мардумии Чин рафта, бо фаъолияти онҳо шинос шуд. Ҷамолиддин Абдуллозода бо табибони Тоҷикистон, ки дар ин ҷо ба такмили ихтисос ва машғулиятҳои бозомӯзӣ фаро гирифта шудаанд, суҳбат анҷом дода, аз онҳо даъват ба амал овард, ки бо истифода аз шароиту имконоти мусоиди фароҳамгардида баҳри баланд бардоштани донишу таҷрибаи худ тамоми кушишу талоши хешро равона созанд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
